更多
2016-03-28
688 瀏覽
誤打誤撞嚟咗食晏,原來都幾貴㗎噃。最後揀咗嗰lunch set,鐘意佢自己拼。我就拼咗『香蔥碎吞拿魚飯』,『鰻魚飯』同『三文魚頭湯』。呢個餐有配埋『日式蒸蛋』蒸蛋好夠熱,有啲香芹係面好香,蛋好夠滑。食完蒸蛋,開始飲湯。湯係「麵豉湯」底,味道剛好,不太鹹,三文魚都好新鮮,加上白蘿蔔夠淋,入晒麵豉湯味。之後開始食『香蔥碎吞拿魚飯』,不過有點失望,稍嫌魚嘅鮮味不足,我諗係本身吞拿魚嘅質素,並唔係新唔新鮮嘅問題,屬中規中矩。最後開動『鰻魚飯』,呢個好好味,鰻魚夠晒彈牙,肉質非常有咬口,汁好夠味。燒得好夠火喉,不過好似細件咗啲。。
張貼