友天地燒味小廚 (已結業)

友天地係廣源黎講都算係坐得舒服既餐廳，地方夠乾淨，啲呀姐都好客氣好禮貌，我同一班朋友去到，呀姐都好有心咁幫我地拍檯，俾我地一齊坐。黎親都鐘意食乾炒牛河，因為夠快，又大碟又開胃，本身唔肚餓都會食得哂！河粉唔會太油，牛肉份量都幾多下。鐘意辣既朋友記得問呀姐拎辣醬，配埋黎食係一流！雖然牛河冇得跟餐有野飲，加$11蚊先有杯凍檸茶真係幾貴下，但其實夾埋$50幾蚊同嗌個餐都差唔多架咋，餐都係一杯野飲加個飯咁。