更多
2012-12-27
1289 瀏覽
前幾日先嚟過一次，因為覺得好好味，所以帶埋屋企人嚟開餐~ 我地7個大人，叫咗：- 花雕蛋白蒸蟹- 蒜蓉粉絲蒸扇貝- 蒸立魚- 薑蔥焗生蠔- 豉椒炒蜆- 椒鹽魷魚- 臘味煲仔飯- 蒜蓉炒菜心基本上全部海鮮都蒸煮嘅時間好啱，亦好新鮮，無論係蟹、扇貝、魚定係生蠔嘅肉質都啱啱好，好鮮味。花雕蛋白蒸蟹應該算係招牌，次次都見有人食，我今次都係encore；呢期d扇貝好大隻好正，又係代表作；桶蠔都好肥美，食落口好滑同薑蔥嘅味道又好配合；蜆比較細，炒起上嚟得番好少，不過其實order嘅時候職員已經講咗俾我地聽呢個時候d蜆係細d嘅，我地想食所以照order，其實佢味道係好嘅。椒鹽鮮魷嘅味就唔係咁夠香口。煲仔飯好足料，一打開已經好吸引~呢度嘅職員都好nice，連免費接送去地鐵站嘅司機都好好人。環境幾特別，我地坐近門口室外海邊，食完沿住碼頭行入去原來好長好多檯，幾有風味。海鮮嘅價錢睇落都唔平，但煮得好食又唔收加一唔駛茶芥，最後埋單都唔係貴，7個人唔駛$1400，亦食得好飽，都算好抵食~
前幾日先嚟過一次，因為覺得好好味，所以帶埋屋企人嚟開餐~ 我地7個大人，叫咗：
- 花雕蛋白蒸蟹
- 蒜蓉粉絲蒸扇貝
- 蒸立魚
- 薑蔥焗生蠔
- 豉椒炒蜆
- 椒鹽魷魚
- 臘味煲仔飯
- 蒜蓉炒菜心
基本上全部海鮮都蒸煮嘅時間好啱，亦好新鮮，無論係蟹、扇貝、魚定係生蠔嘅肉質都啱啱好，好鮮味。花雕蛋白蒸蟹應該算係招牌，次次都見有人食，我今次都係encore；呢期d扇貝好大隻好正，又係代表作；桶蠔都好肥美，食落口好滑同薑蔥嘅味道又好配合；蜆比較細，炒起上嚟得番好少，不過其實order嘅時候職員已經講咗俾我地聽呢個時候d蜆係細d嘅，我地想食所以照order，其實佢味道係好嘅。椒鹽鮮魷嘅味就唔係咁夠香口。煲仔飯好足料，一打開已經好吸引~
呢度嘅職員都好nice，連免費接送去地鐵站嘅司機都好好人。環境幾特別，我地坐近門口室外海邊，食完沿住碼頭行入去原來好長好多檯，幾有風味。
海鮮嘅價錢睇落都唔平，但煮得好食又唔收加一唔駛茶芥，最後埋單都唔係貴，7個人唔駛$1400，亦食得好飽，都算好抵食~
張貼
