第一腸粉專賣店 (已結業)

行去坐車途經第一腸粉，因好耐冇食過佢嘅招牌腸粉所以叫左個外賣，盛惠$21。門口收銀收完我錢就叫我等等，點知一等就十五分鐘。到佢拎出黎嗰份仲要係另一位顧客的外賣時我就知中招了。收銀叫單no，我話我冇收過單，佢竟然同我講一定有，喺找續的錢下面。我同佢講「我都唔使你找錢，你邊度搵張用找錢責住嘅單俾我？」我走去收銀同佢講俾左幾錢，用左幾多個五蚊一蚊俾錢，佢諗左一輪之後走入廚房一陣再走出黎俾外賣我。我睇返張單，落單時間係五分鐘前，好明顯就係漏左單。收銀全程亦冇道歉冇解釋。如此服務態度，真係幾好食都冇用。