更多
2015-06-07
4086 瀏覽
第一次寫食評,所以揀間新歺廳. 自已喺旺角做嘢,睇住The Place佢裝修, 都好想知有乜新嘢.首先要講句sorry,因為之前冇想過要寫食評,所以冇映相咋歺廳環境:比以前好好多,感覺好舒服,同埋有排窗口位可以一個人坐,几特別咖.食物: 首選一定係任食龍蝦同即開生蠔, 之前去Grand buffet自助山要排長龍先得几隻, 嘥晒啲時間, 呢度就慷慨得多,任你食又唔使等好耐,正仲有即煎法國鵝肝,即包手卷,西班牙海鮮飯及黑毛豬, 當然有魚生壽司等指定動作.同行嘅朋友就話海南雞反個反好出色,不過我怕肥冇試,但就試咗米芝蓮燒腩仔同叉燒(仲肥) ,真係唔錯,值得一讚個廚師哥哥好有禮貌,我問長問短佢都冇'詐型'.最驚喜係甜品,靚到唔捨得食,睇相就知.我個女性朋友齋映相都飽加埋即做梳乎厘,心太軟,雪糕脆筒..真係有啲後悔冇留肚食dessert.最後讚係個帶位小姐笑容好sweet!
首先要講句sorry,因為之前冇想過要寫食評,所以冇映相咋
歺廳環境:比以前好好多,感覺好舒服,同埋有排窗口位可以一個人坐,几特別咖.
食物: 首選一定係任食龍蝦同即開生蠔, 之前去Grand buffet自助山要排長龍先得几隻, 嘥晒啲時間, 呢度就慷慨得多,任你食又唔使等好耐,正仲有即煎法國鵝肝,即包手卷,西班牙海鮮飯及黑毛豬, 當然有魚生壽司等指定動作.
同行嘅朋友就話海南雞反個反好出色,不過我怕肥冇試,但就試咗米芝蓮燒腩仔同叉燒(仲肥) ,真係唔錯,值得一讚個廚師哥哥好有禮貌,我問長問短佢都冇'詐型'.
最驚喜係甜品,靚到唔捨得食,睇相就知.我個女性朋友齋映相都飽加埋即做梳乎厘,心太軟,雪糕脆筒..真係有啲後悔冇留肚食dessert.
最後讚係個帶位小姐笑容好sweet!
題外話/補充資料:
聽帶位小姐講會做八折, 但唔肯定, 最好自已問!
(以上食評乃用戶個人意見 , 並不代表OpenRice之觀點。)
張貼