更多
2015-11-21
267 瀏覽
食完飯點可以唔食埋甜品？！我地2人又到黑/白布街呢度搵食啦！之前經過呢間甜品店已經俾佢門面吸引住，粉色外牆，望入店內亦是白色牆身，貫徹清雅風格。因為上次趕時間無食到，今日特登返黎試試！我地8點幾去到，因為未到甜品宵夜時間，所以唔使等位就入得！甜品選擇非常多！我地用左成10分鐘先決定到食咩😂。最後揀左2個甜品！1.布朗尼棉花堡 $68一上枱就即刻俾佢吸引住！一大舊雲一樣嘅粉紅色棉花糖放喺甜品上面，感覺好夢幻！相機先食指數爆燈！好快咁影完相，我地忍唔住先大咬幾啖夢幻棉花糖先！因為棉花糖幾易容，好似落雨咁滴落枱度，所以我地暫時將佢於係另一隻碟度先，亦方便食玻璃杯入面嘅野。杯入面有朱古力波波脆脆（早餐食嗰啲），brownie, 雪糕（我地揀左cookies味）同朱古力蛋卷。brownie 質地係結實的，不算很甜的，配以雪糕吃剛好，而脆脆增添左多重口感！2.冰火焦糖燉蛋配雪糕 $52呢個甜品都好靚！蛋白做成的雪白火山外層微微烤焦定型，蛋白像雲一般輕巧，入口即化，雪山下面埋藏著嘅焦糖燉蛋都無令我地失望！燉蛋上面一層薄薄的焦糖燒得微微金黃色，薄脆薄脆的，巧妙地隔開蛋白與燉蛋。燉蛋好滑不會老，而且蛋香
之前經過呢間甜品店已經俾佢門面吸引住，粉色外牆，望入店內亦是白色牆身，貫徹清雅風格。因為上次趕時間無食到，今日特登返黎試試！
我地8點幾去到，因為未到甜品宵夜時間，所以唔使等位就入得！甜品選擇非常多！我地用左成10分鐘先決定到食咩😂。最後揀左2個甜品！
1.
布朗尼棉花堡 $68
一上枱就即刻俾佢吸引住！一大舊雲一樣嘅粉紅色棉花糖放喺甜品上面，感覺好夢幻！相機先食指數爆燈！好快咁影完相，我地忍唔住先大咬幾啖夢幻棉花糖先！因為棉花糖幾易容，好似落雨咁滴落枱度，所以我地暫時將佢於係另一隻碟度先，亦方便食玻璃杯入面嘅野。杯入面有朱古力波波脆脆（早餐食嗰啲），brownie, 雪糕（我地揀左cookies味）同朱古力蛋卷。brownie 質地係結實的，不算很甜的，配以雪糕吃剛好，而脆脆增添左多重口感！
2.冰火焦糖燉蛋配雪糕 $52
呢個甜品都好靚！蛋白做成的雪白火山外層微微烤焦定型，蛋白像雲一般輕巧，入口即化，雪山下面埋藏著嘅焦糖燉蛋都無令我地失望！燉蛋上面一層薄薄的焦糖燒得微微金黃色，薄脆薄脆的，巧妙地隔開蛋白與燉蛋。燉蛋好滑不會老，而且蛋香味濃郁！另外值得一讚嘅係我地揀嘅朱古力雪糕朱古力味超濃！苦苦的，我最愛！
張貼
