韓舍 (已結業)

自從自助pancake機流行之後，愈來愈多自助餐、放題店也傾向購入或開放更多可供食客自助製作、自助調校濃淡味道嘅機器、廚具……所謂自己放題自己整，一方面可減少餐廳人手、另一方面又可為食客帶來更多體驗樂趣……要知道自助餐有限時，食客慢慢燒、慢慢做，仲唔係3wins咩！？今晚呢間係食韓燒+日式美食放題，韓燒爐置於每枱中央，食客想食牛扒、豬扒、雞翼、魚塊、香腸、魷魚……當然要自己燒……你又可以任攞壽司、剌身、海蝦、蟹粥、各式熱盤等美食。估唔到場內仲分佈咗幾部自助烹調機，有自己炒韓式辣年糕、自己炒鐵板雪糕、自己翻自己烤章魚小丸子、自己撈日式烏冬、自己斟清酒、自己按窩夫筒乳酪……細路見到好開心，大人又可乘機教下烹調嘅道理……至於味道如何，因為配料都已調味，製作過程又有個牌寫明各步驟，只要跟住做，生手都可以零失敗！還有，呢度啲甜品選擇非常多……有豆腐花、葡撻、鮮果蛋糕、木糠布甸、雪糕、乳酪、抹茶冬甩……啱曬甜品控！