韓舍 (已結業)

最近心癢癢好想去食韓燒，於是約咗一班朋友收工一齊去燒一燒！朋友之前去過韓舍，評價都唔錯所以決定跟佢一試！韓舍位於創興，都方便大家又易搵！去到好似食自助餐一樣，燒肉一區、刺身壽司一區、熟食一區，甜品一區！好清晰 燒肉種類好多，唔怕冇肉食！我最愛係蒜蓉雞翼！雞翼醃得夠味，燒完都有蒜香味！唔錯！ 仲有辣味雞柳都唔錯，雞肉帶有少少辣，配合生菜食會減低個辣度，適合喜歡小辣嘅朋友！除咗食肉之外，仲有好多蔬菜可以揀！各種菇類，茄子，連菠蘿都有！燒菠蘿最正，令整餐覺得冇咁油！刺身壽司一定要食，款色多！估唔到連海鮮都有！冷盤有海蝦、青口、蟹！都幾新鮮，一d都唔腥！熟食方面，選擇都幾多！就算朋友仔唔太喜愛燒肉，韓舍嘅選擇好多，唔怕冇野食！仲有可以試下口水雞，雞肉嫩而且辣得過癮，好有川味 推介嘅有炸物，好好彩佢岩岩炸起，食落真係好脆！蠔仔炒飯都不錯，炒飯唔會好乾，確有酒店水準！甜品方面連朱古力噴泉都有！哈哈 童心未泯。。。成班大細路都爭住要玩下！有得任飲任食，真係好開心！ 食到好飽，抱住個肚返屋企！