韓舍 (已結業)

一早訂好枱, 去到即刻有位, 平日晚上都幾多人,幾乎滿座, 唔同入座時間價錢都唔同, 食物款式都幾多, 韓燒, 壽司, 刺身, 熱食,甜品等等, 款式都比其他韓燒食店多韓燒食物有豬扒, 牛扒, 牛仔骨,黑椒牛肉粒, 多春魚, 疏菜,雞扒, 雞翼,魷魚等等, 推介雞翼, 有辣同唔辣, 入味得黎辣味夠, 愛辣的必試, 牛仔粒都唔錯, 切得細細粒, 好快熟,燒完後仲好淋身, 其他肉類都有水準泡菜, 估唔到又幾好食, 夠辣, 唔太酸, 當開胃菜唔錯海鮮冷盤, 有蝦同青口, 等燒野食時食住先, 蝦都幾鮮甜, 又彈牙, 我地一班人都食左幾多下自助飲品吧, 有汽水, 沙冰, 熱飲有咖啡, 美錄, 仲有茶, 梗有一款岩飲壽司及刺身, 唔記得影相, 剩係記得影鰻魚壽司, 每款試了少少, 都幾鮮, 刺身有三文魚, 希靈魚,蟹柳, 厚切又肥美, 壽司細細件, 可以留肚食下其他野甜品時間, 款式好多, 有啫喱, 桂花糕,蛋糕, 雪糕, 炒雪糕等, 己食得太飽, 所以只係食左雪糕, 有軟雪糕, 及自助雪糕, 都幾得意, 有雪呢拿,芝麻及薄荷朱古力雪糕, 芝麻味夠濃,薄荷配上粒粒朱古力又可以加強口感及甜度岩岩好