韓舍 (已結業)

大家印象中嘅韓燒，一般都係明火燒版燒，成個餐廳都烏煙瘴氣，但係呢度用燈燒，食起上黎香口之餘，又唔會做到成身油煙味，實在太好喇。呢間韓燒啲擺設都好乾淨企理，味道仲唔錯，好似啲雞翼，有醬料醃制過，但係又唔會成口都係味精; 牛仔骨亦相當出色，肉質非常鬆軟，一啲入口即溶嘅感覺。最犀利係呢間韓燒仲有新鮮嘅刺身，種類好多嘅甜品食，包括酸甜度適中嘅啫喱，軟滑嘅泡夫，真係同酒店無咩分別！