更多
2015-11-18
1567 瀏覽
再遇優質 築地番本 必叫甜品 banana上星期一同個朋友喺旺角行街順便食飯今次去左築地番本，呢幢大廈有好幾家好好食嘅嘢食，所以行吓行吓有行返嚟呢度啦！築地範本嘅時間選擇到幾多每一晚有四個時段可以揀，另外仲有一個係無限時間，當然啦價錢就會貴啲，同埋適合啲大胃王食啦！是日我哋六點幾已經嚟到食兩個鐘頭乜都夠啦！幾鍾意呢一度嘅本身入場費價位唔貴，o啲刺身都幾OK，但係如果只要加多＄88就可以有更加多嘅高級刺身可以選擇！同朋友食當然就可以叫加＄88嘅超正刺身任食啦！但如果同屋企人食就食唔加錢已經好OK啦！咁樣同媽咪講會覺得哎呀！慳咗錢吖！咁今次我同另外個朋友都係鍾意食刺身嘅，所以就叫加多左＄88食特選刺身啦！特選刺身嘅焦點所在當然就係手掌咁大條嘅紅蝦啦！二另外一個好吸引我嘅，就係新鮮美味嘅帶子刺身！帶子刺身元粒上冇切開，紅蝦大隻爽口鮮甜＄88真係好抵！返叫返叫！大家可能唔係好信睇吓個對比圖就知。如果唔加＄88，佢哋都有其他唔同嘅刺身供應，而且都新鮮好味，選擇很多！不過當然啦重點就落咗响精選刺身嗰度啦。哈哈！另外要睇嘅就係佢哋嘅飲品選擇真係好多喎除咗有常見嘅汽水，仲有梅酒清酒同啤酒，另外仲有大家
上星期一同個朋友喺旺角行街順便食飯今次去左築地番本，呢幢大廈有好幾家好好食嘅嘢食，所以行吓行吓有行返嚟呢度啦！
築地範本嘅時間選擇到幾多每一晚有四個時段可以揀，另外仲有一個係無限時間，當然啦價錢就會貴啲，同埋適合啲大胃王食啦！
是日我哋六點幾已經嚟到食兩個鐘頭乜都夠啦！
幾鍾意呢一度嘅本身入場費價位唔貴，o啲刺身都幾OK，但係如果只要加多＄88就可以有更加多嘅高級刺身可以選擇！同朋友食當然就可以叫加＄88嘅超正刺身任食啦！但如果同屋企人食就食唔加錢已經好OK啦！咁樣同媽咪講會覺得哎呀！慳咗錢吖！
咁今次我同另外個朋友都係鍾意食刺身嘅，所以就叫加多左＄88食特選刺身啦！特選刺身嘅焦點所在當然就係手掌咁大條嘅紅蝦啦！二另外一個好吸引我嘅，就係新鮮美味嘅帶子刺身！
帶子刺身元粒上冇切開，紅蝦大隻爽口鮮甜＄88真係好抵！返叫返叫！大家可能唔係好信睇吓個對比圖就知。
如果唔加＄88，佢哋都有其他唔同嘅刺身供應，而且都新鮮好味，選擇很多！不過當然啦重點就落咗响精選刺身嗰度啦。哈哈！
另外要睇嘅就係佢哋嘅飲品選擇真係好多喎除咗有常見嘅汽水，仲有梅酒清酒同啤酒，另外仲有大家都一定會記得而且好有印象嘅揚業成旗下產品！
佢哋有個白汁煮青口都好好食，白汁味香濃帶少少芝士質感，青口大隻而且份量都好多！
見到隔離枱食緊新出嘅蒸氣火鍋，唔知點解自己冇呢？嬲嬲地就走去問下侍應！原來呢只要三個人以上就可以食放題之外仲食蒸氣火鍋架！下次利息要約三個人先得！
其他嘢食例如天婦羅，寸燒等等都做得好出色，天婦羅唔會太油而且好新鮮！好多時放題嘅甜品方面嘅質素呢就會同鹹野爭一大截，但呢一度嘅甜品質素全部都幾好！啫喱奶凍等等，幾個都好不錯！
最後要讚嘅就係等左好耐，本身諗住唔繼續等，但係又泥到，而食賣相麻麻，但食落好好食嘅朱古力炸香蕉！外脆內軟香蕉味香濃！唔怪得佢係必食推介啦！所以等咁耐都值得嘅！仲有呢度都唔會好迫, 而且坐得舒適. 服務員態度好好. 加茶換碟等等，全部都唔使叫，會好nice 咁幫忙啊！質素很高嘅放題啊？
番本日式放題
Banmoto Japanese All You Can Eat Restaurant
旺角西洋菜南街168號3樓全層
張貼
