更多
2016-01-25
2037 瀏覽
日式放題已經好普遍, 但最近大熱既蒸氣鍋竟然有放題, 價錢亦唔算貴. 由下午5:30開始分4段時間收費至晚上12:00, 每節2小時, 費用由$178/208/198/188. 而最吸引當然係蒸氣鍋!! 因為出面食蒸氣鍋大概人頭收費都要$4-500以上, 呢間推出既最貴時段需$208/位, 當然要試試! 但蒸氣鍋要求3人以上才可享用, 於是一行4人去順道慶祝生日~ 晚上7點左右到達, 坐位已經有8成滿席, 坐位都唔少架因為佢坐擁全層, 等候時間唔算長, 大概5-10分鐘就可入坐. 呢度既放題飲品係自取, 種類同其他放題差不多, 紙包飲品, 罐裝汽水/烏龍茶, 支裝涼茶, 另外仲有細樽裝既果汁先生既橙汁同蘋果汁任飲!! 唔錯唔錯!!至於食物選擇方面, 有刺身, 壽司, 手卷, 串燒, 前菜沙律, 炸物...等等. 另外亦可以每位加$88升級可以追加特色剌身同熱食, 有7款. 當然唔少得戲肉-蒸氣鍋!!一坐低馬上落單食蒸氣鍋, 種類唔算好多, 大概十款, 一口氣叫左海中蝦/帆立貝/沙白蜆/蟲草花雞件/肥牛/南瓜片/冬菇&金菇, 因為個鍋SIZE都唔算大, 每次放2款食物都已經放滿, 好彩每
晚上7點左右到達, 坐位已經有8成滿席, 坐位都唔少架因為佢坐擁全層, 等候時間唔算長, 大概5-10分鐘就可入坐.
呢度既放題飲品係自取, 種類同其他放題差不多, 紙包飲品, 罐裝汽水/烏龍茶, 支裝涼茶, 另外仲有細樽裝既果汁先生既橙汁同蘋果汁任飲!! 唔錯唔錯!!
至於食物選擇方面, 有刺身, 壽司, 手卷, 串燒, 前菜沙律, 炸物...等等. 另外亦可以每位加$88升級可以追加特色剌身同熱食, 有7款. 當然唔少得戲肉-蒸氣鍋!!
一坐低馬上落單食蒸氣鍋, 種類唔算好多, 大概十款, 一口氣叫左海中蝦/帆立貝/沙白蜆/蟲草花雞件/肥牛/南瓜片/冬菇&金菇, 因為個鍋SIZE都唔算大, 每次放2款食物都已經放滿, 好彩每款食物都只係蒸幾分鐘就可以食. 海中蝦味道鮮甜, 肉質彈牙, SIZE都算大隻, 絕對唔需要沾任何調味, 原汁原味, 推介! 沙白爽口鮮甜, 新鮮而且浸洗乾淨, 食果時唔會有沙; 但帆立貝就係好細隻冇咩味道....肥牛/雞件同菇類味道只屬一般. 最值得ENCORE 就係蝦同沙白, 所以叫左幾轉要食夠至可番本~ 之後, 當然就係要食最期待既粥底啦~ 點知....個粥底好咸, 細問服務員個粥底原來已有底味, 用左魚湯做先處理左個粥底, 加上蒸海鮮既精華就會令個粥底更加咸. 佢建議再加水溝返稀個粥底, 個粥底都幾綿, 只係味道偏咸. 其實可以叫南瓜加埋落個粥底度一齊煲, 可能可以中和返個咸味.
除左重頭戲蒸氣鍋, 點少得叫剌身食呢~ 帶子/赤貝/甜蝦鮮甜爽口; 白肉拖羅冇魚味;榮螺片爽脆但欠缺甜味; 刺身SIZE雖然唔係厚切但唔算細舊, 整體味道就一般般, 尚算爽口,唔腥冇雪味.
炸物方面，天婦羅即炸，上枱時仲係熱既, 虎蝦/南瓜個炸粉就有點兒厚, 最美味係糖心蕃薯, 細細粒, 一口蕃薯香甜可口. 另外炸物最推薦就係芝士年糕同紫心香芋丸, 粒粒都炸得金黃外脆內軟, 不油膩! 芝士年糕熱辣辣, 又煙可拉絲; 香芋丸中間流心，芋頭香氣撲鼻!
另外再叫左少少不同種類既食物, 有:
串燒: 蝦/牛舌/菠蘿/翠肉瓜/燒蠔/燒帆立貝; 牛油炒粟米/炒帶子/清酒煮蜆, 味道總括恰到好處, 唔會過咸, 但最大缺點係唔夠熱....
張貼
