番本日式放題 (已結業) 查看

想食buffet,但星期五食又特別貴，朋友介紹去旺角食放題，抱住平平地心態一試，188加一，如果唔好食都唔入肉。我食晚市頭輪，可能好多人都未收工，所以頭個半個鐘都未坐滿，但食物就黎得好多，款式都算多，魚生有帶子，好新鮮，帶甜味，三文魚係厚切，都好新鮮，仲有甜蝦都幾大隻，送既阿根庭蝦刺身好大隻，肉身結實甜美，好滿足，壽司卷物有驚喜，賣相好，增加食欲，味道亦好，唔會因為放題就粗製濫造，各有特色，大小適中，唔怕食太多飯食唔落其他美食！