番本日式放題 (已結業) 查看

好友想食放題, 有得食當然出席, 醒起同事介紹過番本放題好多特別野食, 地點又方便當晚準時到達, 可能平日又早既關係, 好快有位坐前菜和風珍味浸白蜆, 木魚海老青瓜沙律珍味白蜆配上酸汁, 酸酸地好開胃, 開胃菜一流青瓜沙律又係配上酸汁, 加埋清甜青瓜, 食落好舒服刺身黎到放題一定要試刺身, 基本野有齊晒, 三文魚, 白肉拖羅, 帶子推介, 夠晒肥美和風牛肉粒一口牛肉大細岩岩好, 牛肉燒完仲好彈牙, 肉味都好夠北海燒蠔寫住人氣, 當然要試下, 又係燒到好香口, 加埋少少芝士一齊燒, 無得彈天婦羅黎到放題點少得天婦羅, 今次試左叫虎蝦同糖心蕃薯, 虎蝦大大隻, 夠晒爽口彈牙, 脆醬仲好薄糖心蕃薯細細粒, 估唔到好甜, 口感軟綿綿, 好似食緊綿花糖日式響螺蟹粥第一次食放題有粥食, 蟹係成隻上, 粥煮到好綿, 而蟹細細隻, 估唔到煮完粥仲好鮮甜總結一下, 今次真係番晒本, 有基本放題野食之餘, 仲有好多特別野食, 如蟹粥, 人蔘雞湯等, 飲品方面, 除左基本汽水之外, 仲有清酒, 梅酒, 啤酒等選擇