番本日式放題 (已結業) 查看

多年無見既同學相約見面,想搵個地方又食又傾,上網做過功課後,發現呢間放題好似好大,所以上黎試一試呢間"番本",個名幾特別,印象幾深刻!我地一行十人,book左位,唔洗等太耐,就入得啦!坐低即刻寫野出動,餓狼出擊XD上菜好快!一黎就系個大刺身!好靚!以為去左食高級日本料理!唔系講笑,有圖有真相,真係要打個食評益大家!刺身都好新鮮,最愛三文魚同甜蝦,肥美又香甜,推介!再黎就系焗蠔,好正!好香!跟住就系黎左壽司,串燒蝦之類,轉眼成台都系野食!!XD壽司我地覺得蛋蛋壽司好好味!好似唔同出面既放題既蛋壽司,有D似板長,好香蛋味!另外,串燒蝦又系好好食!味到岩岩好!再黎就系又一碟甜蝦刺身!WOW!第一時間覺得呢間放題既師傅好有心去製作!!抵讚!!再黎食一條既餃子,脆卜卜!好食最後我地食埋雪糕,傾多兩咀就走人我地都好滿意今次既聚餐,坐得舒服,食物質數都唔錯,有機會再黎食番本!試埋佢個星級版