更多
2015-02-11
5002 瀏覽
星期5放工同好耐無見的閨蜜行完街, 當然要出來大快朵頤，暢聚一番！好耐無去旺角食野因為多數都坐得好迫, 但呢間坐得好舒服, 服務又好 (放題真係好少有)。唯一係訂左位只HOLD台10分鐘, 一定要準時 (果日差D行街行到唔知時間)。沿電梯上入到食店, 地方相當大。由於係星期5晚, 所以好多人, 但我地一早訂左位, 一落去就即刻獲安排入座! 看一看食物紙, 可選擇的食物十分多!! 先黎前菜, 叫左我最鐘意食既枝豆同埋胡麻豆腐沙津, 十分穩陣。閨蜜係食家, 最鐘意試新野, 所以試左佢個和風珍味浸白蜆, 真係出乎意料之外咁鮮味~!跟住就有放題最重要的刺身:有我最鐘意食既三文魚, 只可以用兩個字形容 – 肥美! 好耐未試過食放題食到如此肥美、甘香的三文魚!!人地唔知一定以為我晌北韓放出黎。吞拿魚、鯛魚唔係叫左好多, 希靈魚我就無食。重點推介一定係甜蝦刺身同埋白玉拖羅刺身!!!最後我們encore左2次。其餘的刺身也不錯，絕對正路。壽司叫左黑松露三文魚壽司, 本身好唔鐘意食黑松露, 所以都唔推介。自己覺得最值得試下既就係海鹽火炙左口群邊壽司同埋柚子胡椒針魚壽司, 好有特色!特別鐘意柚子果個, 味
好耐無去旺角食野因為多數都坐得好迫, 但呢間坐得好舒服, 服務又好 (放題真係好少有)。
唯一係訂左位只HOLD台10分鐘, 一定要準時 (果日差D行街行到唔知時間)。
沿電梯上入到食店, 地方相當大。由於係星期5晚, 所以好多人, 但我地一早訂左位, 一落去就即刻獲安排入座! 看一看食物紙, 可選擇的食物十分多!!
先黎前菜, 叫左我最鐘意食既枝豆同埋胡麻豆腐沙津, 十分穩陣。
閨蜜係食家, 最鐘意試新野, 所以試左佢個和風珍味浸白蜆, 真係出乎意料之外咁鮮味~!
跟住就有放題最重要的刺身:
有我最鐘意食既三文魚, 只可以用兩個字形容 – 肥美! 好耐未試過食放題食到如此肥美、甘香的三文魚!!人地唔知一定以為我晌北韓放出黎。
吞拿魚、鯛魚唔係叫左好多, 希靈魚我就無食。
重點推介一定係甜蝦刺身同埋白玉拖羅刺身!!!最後我們encore左2次。
其餘的刺身也不錯，絕對正路。
壽司叫左黑松露三文魚壽司, 本身好唔鐘意食黑松露, 所以都唔推介。自己覺得最值得試下既就係海鹽火炙左口群邊壽司同埋柚子胡椒針魚壽司, 好有特色!特別鐘意柚子果個, 味道層次分明~!
另嗌左軟殼蟹手卷, 呢一樣係我覺得每間日式餐廳都要試的。呢間做得OK, 紫菜脆、飯香、軟殼蟹D油同汁沉出黎。創作卷物貪吃的我們當然樣樣都有試, 有一個幾得意既叫和風牛肉泡菜卷。
料理叫左推介既牛油蒜香炒帶子, 應該係即叫即炒, 好香口惹味!
我地試呢間之前其實都有做功課, 好多人都推介個焗蠔, 我反而覺得個醬既味搶左隻蠔個味。劍魚乾佐酒一流! 最後食完甜品，暢談一番後便各自回家了。
我地9點入座，埋單每人只係200多DD，如此質素同埋咁好既服務+環境真係晌心中加上不少分數！
題外話/補充資料：
有個WAITER真係好好笑, 好熱情咁招呼我地食雪米滋
(以上食評乃用戶個人意見 , 並不代表OpenRice之觀點。)
張貼