宮崎日式燒肉店 (已結業)

好耐無放肆大吃 所以走左黎宮崎食燒肉放題 首先呢個八色燒肉幾特別 有芭蕉 千島 紅酒等等既味道 我每款都試左少少 雖然每款味道唔太特別出 但肉質鮮嫩 都幾好食另外叫左唔同種類既肉 牛肉豬肉雞肉羊肉咩都有 最鍾意就係個牛舌 雖然唔係厚切 但薄薄地燒出黎另一種風味 燒到個邊脆脆地 而且調味適中 佢提供既醬汁我幾乎無點過 另外個羊架都值得一試 肉質鮮嫩 無咩so味 好想encore 不過要留胃呢 粟米同魚柳我都超鍾意 粟米加左牛油一齊燒 更加香甜 食左三次 魚柳肉質好滑 而且食魚健康d嘛 除左燒肉 仲有好多熟食可以選擇 我最鍾意天婦羅蝦 超大隻蝦 炸漿唔厚 熱辣辣 好好食跟住叫個青瓜蟹籽沙律 解下膩 再接再厲 叫左刺身 壽司 同泡菜 刺身都幾新鮮爽甜 壽司我好欣賞 因為夠細件 食多幾件都唔怕飽 泡菜我又係好鍾意 辣得黎好爽脆 有韓國地道既感覺