奇趣餅家

營業中

休息中

我哋呢啲中年人，相信差唔多個個喺細蚊仔時期都鍾意食光酥餅， 又或者係西樵大餅之類嘅嘢，70年代物資冇咁豐富，有得食就會好開心，冇話好似家下啲靚仔咁揀呢間路咁大排，相反當時我哋係好開心過生活 經過呢間老牌餅家，好多嘢好想食但就揀咗呢個光酥餅嚟食，原因係因為好耐冇食過光酥餅，而且仲要係一個巧大個，巧大個嘅光酥餅，成分衹有麵粉，糖，雞蛋，好天然 光酥餅仲大塊過我塊面，味道清甜又冇一啲奇怪嘅搶喉味道，食嘅時候唔會好易碎又唔會或乾爭爭，係一塊好好食嘅光酥餅。個人心得，邊食光酥餅邊飲煉奶係最好味㗎。