更多
2016-01-27
1829 瀏覽
旺角有好多好多放題，多到唔記得哂d名，但通常食物質素一般，所以食完連個名都唔記得~ 呢間位於旺角彌敦道旁既大滿喜，食完真係令人有滿滿既驚喜~ 餐廳位置方便，地鐵站行5分鐘就到~ 一入舖頭，成間餐廳既裝潢好特別，好似卡拉ok 咁，用紫色做主色調，而且全部卡位都用梳化椅，非常舒服~ 放題最緊要選擇多，一睇本點餐簿，一棟勁厚，有A-L咁多張點餐紙，有多款不同種類既食物任揀～因帶病在身，今日主打熟食! 淨係熟食都有好多選擇，先黎個燒物，點左個黑松露芝士焗帶子，唔好睇少o個細細pat 黑松露，超黑松露味，芝士味又香又滑，加上帶子焗得啱啱好，估唔到放題都有咁既質素👍🏻之後仲有個燒牛肋骨，個秘製醬料有少少似燒汁味，但味道又比燒汁味豐富d，個牛肋骨肉質可以，而且咬落好多牛肉汁，好juicy~ 見個黑松露咁正，再叫個黑松露軟殼蟹卷，果然冇令我失望，軟殼蟹好酥脆，一d都冇腥味，而且蟹籽卜卜聲，都幾新鮮~其他燒物都好好味~~~ 仲有值得一點既係長腳蟹粥，蟹腳好鮮味，個粥好甜，而且好綿，一流~ 飲品有好多選擇，有兩個大雪櫃，咩牌子咩飲品都有，仲有不同味道既雪糕，任君選擇~甜品點左個tiramisu ，好滑，而
旺角有好多好多放題，多到唔記得哂d名，但通常食物質素一般，所以食完連個名都唔記得~
呢間位於旺角彌敦道旁既大滿喜，食完真係令人有滿滿既驚喜~
餐廳位置方便，地鐵站行5分鐘就到~ 一入舖頭，成間餐廳既裝潢好特別，好似卡拉ok 咁，用紫色做主色調，而且全部卡位都用梳化椅，非常舒服~
放題最緊要選擇多，一睇本點餐簿，一棟勁厚，有A-L咁多張點餐紙，有多款不同種類既食物任揀～
因帶病在身，今日主打熟食! 淨係熟食都有好多選擇，先黎個燒物，點左個黑松露芝士焗帶子，唔好睇少o個細細pat 黑松露，超黑松露味，芝士味又香又滑，加上帶子焗得啱啱好，估唔到放題都有咁既質素👍🏻
之後仲有個燒牛肋骨，個秘製醬料有少少似燒汁味，但味道又比燒汁味豐富d，個牛肋骨肉質可以，而且咬落好多牛肉汁，好juicy~
見個黑松露咁正，再叫個黑松露軟殼蟹卷，果然冇令我失望，軟殼蟹好酥脆，一d都冇腥味，而且蟹籽卜卜聲，都幾新鮮~其他燒物都好好味~~~
仲有值得一點既係長腳蟹粥，蟹腳好鮮味，個粥好甜，而且好綿，一流~
飲品有好多選擇，有兩個大雪櫃，咩牌子咩飲品都有，仲有不同味道既雪糕，任君選擇~
甜品點左個tiramisu ，好滑，而且好香既咖啡酒味，正!!
所有落單完全冇甩漏，而且服務生態度友善，收碟手腳好快，讚👍🏻
張貼
