更多
2015-10-13
3298 瀏覽
有朋友仔來香港旅遊，帶佢地試下香港的放題。Book左12點，11點5x已到，已經好多人等緊。個侍應係咁叫人排隊入去，啲客話，book左都要排丫？個侍應話係，有book無book都要排。未夠鐘先安排入坐，原來唔full,唔怪得要排。入到去拿拿聲寫紙仔，飲品任飲。個位有陣味，好似啲枱櫈地板洗唔乾淨咁。啲野都幾快上。#刺身#有油甘魚，劍魚腩，三文魚，鮑片，螺，甜蝦，大頭蝦，貝柱，希靈魚，象拔蚌。全部都好新鮮，好肥美。只有象拔蚌同鮑片差啲。朋友第一次食劍魚腩，大愛#鍋物#叫左牛奶什菜同肥牛，大人話啲豆腐好滑。味道幾好，如果個牛奶鍋“傑”啲就好囉！#壽司#有成3張紙咁多，我又叫得太多。三大盆上枱，飽死。最愛佢有虎蝦同左口魚群邊壽司。皇太后只吃熟野，壽司啱晒佢。好多熟的款揀。#炸物#都係大家至愛，不得不推介炸蠔。好大粒，好脆，encore左兩次。皇太后就話炸雞翼都好食#天婦羅#都唔錯，溫室小蕃薯至正。細細粒，又甜，佢啲炸粉好薄，推介推介！#燒物#菠蘿好甜，又係叫左兩round。不過燒物等的時候太耐，第二次落單，等到埋單先來。翠玉瓜爽甜，大蝦新鮮彈口。冬菇就無人欣賞，可能未熟透定太乾羊扒太乾，無羶味
Book左12點，11點5x已到，已經好多人等緊。個侍應係咁叫人排隊入去，啲客話，book左都要排丫？個侍應話係，有book無book都要排。未夠鐘先安排入坐，原來唔full,唔怪得要排。
入到去拿拿聲寫紙仔，飲品任飲。個位有陣味，好似啲枱櫈地板洗唔乾淨咁。
啲野都幾快上。#刺身#有油甘魚，劍魚腩，三文魚，鮑片，螺，甜蝦，大頭蝦，貝柱，希靈魚，象拔蚌。全部都好新鮮，好肥美。只有象拔蚌同鮑片差啲。朋友第一次食劍魚腩，大愛
#鍋物#叫左牛奶什菜同肥牛，大人話啲豆腐好滑。味道幾好，如果個牛奶鍋“傑”啲就好囉！
#壽司#有成3張紙咁多，我又叫得太多。三大盆上枱，飽死。最愛佢有虎蝦同左口魚群邊壽司。皇太后只吃熟野，壽司啱晒佢。好多熟的款揀。
#炸物#都係大家至愛，不得不推介炸蠔。好大粒，好脆，encore左兩次。皇太后就話炸雞翼都好食
#天婦羅#都唔錯，溫室小蕃薯至正。細細粒，又甜，佢啲炸粉好薄，推介推介！
#燒物#菠蘿好甜，又係叫左兩round。不過燒物等的時候太耐，第二次落單，等到埋單先來。翠玉瓜爽甜，大蝦新鮮彈口。冬菇就無人欣賞，可能未熟透定太乾羊扒太乾，無羶味，個人唔like. 雞軟骨so so.
煎牛仔骨幾juicy. 又叫左各款沙律小食，炒飯等。
#甜品#有木槺布甸，奶凍，雀巢杯裝雪糕，同大腳板。推介係3.6牛乳布甸，唔太甜，又滑。
#飲品#好多款式。有啤酒，烏龍茶，樂天蘆薈汁，忌廉溝鮮奶，巨峰提子汁，番石榴汁，粒粒橙等。。。
食物味道中上，服務有待改善。埋完單仲送左張160全包的coupon!
張貼
