大滿喜日本料理 (已結業)

大滿喜位於旺角創興廣場8樓，位置便利。今次朋友真係冇介紹錯，本身唔係好知有呢間野的存在，朋友一開始介紹都半信半疑，但估唔到竟然有咁好嘅質素！一坐低大家已經拎D紙係咁剔剔剔，然後野食都好快黎到，一開波叫左D刺身，壽司，不錯不錯！幾新鮮，而且係厚切，賣相幾好，排得好有心思！D壽司賣相唔會細細舊又散哂咁，味道OK！然後叫左D炸物串燒，D炸物真係好high quality，炸粉唔會好厚，炸帶子生蠔亦都好足料好大粒，真係唔錯，推介推介！ 芝麻雞翼外脆內嫩，燒菠蘿好juicy，炒雜菜encore左2次，好惹味。串燒就不過不失，但唔夠熱，黎到已經凍凍地。以$200放題黎講，呢餐真係好抵食，質素好高！