北海道活壽司 (已結業)

放工做完運動已經9點半，想食健康些又要飽肚，就閃左去係地庫既北海道活壽司，全因為見到有$8件既壽司同手卷。餐牌上有幾多選擇，一個人唔想食咁貴， 惟有向低價選擇落手。 先叫左同樣都係$8既蟹棒手卷同燒三文魚皮手卷。 蟹棒大件多肉， 鮮味十足，紫菜亦夠新鮮脆口。 燒三文魚皮手卷脆卜卜口感夠爽，同中國式既烤魚皮比較無咁油膩。 另外再點左唔過$20既壽司， 包括燒牛肉、 燒芝士三文魚壽司等。 燒牛肉配搭壽司原來幾夾, 燒牛肉既肉香配埋日式芥末同微酸既壽司飯， 多層味道滿足哂味覺享受！ 慳住叫既情況下全單唔使$80， 其實係超市買一人份量既冰凍壽司都要$50， 都算係多個選擇！