元気寿司 (已結業)

同朋友係朗豪坊做完脫毛後有d餓餓地，所以去左元氣食tea。本身其實係想食迴轉壽司，但等左10分鐘後，最後staff安排左個露天既位置比我同朋友，所以打消左呢個念頭。一睇tea set menu，其實都幾吸引人，又好似好抵食，所以同朋友一人叫左一個tea set，再額外加左一個三文魚湯。三文魚湯真係幾足料，味道又鮮甜，朋友果然冇介紹錯。食湯渣(三文魚肉等等)都可以有飽肚感終於等到個tea set到，沙律份量偏少，但水果都新鮮既，食埋個烏冬其實都已經覺得飽。不過我覺得就咁食烏冬就好似有d單調(開始嚴尖)，所以建議大家揀tea set時可以揀流心蛋，食烏冬再打番隻流心蛋，正！至於壽司方面，其實我係覺得有d失望，因為壽司飯係極鬆散，用筷子一夾即散，根本就拎起黎食都好困難，更莫講話點wasabi同鼓油。都明白連鎖式日本壽司店唔可以有太高要求，但食壽司由一享受變到食得有d lei fei，心情都會有d影響既。