更多
2016-06-29
9262 瀏覽
心郁郁都係忍唔住,又同呀妹走左去食放題,揀左最近小巴站既番本,一落小巴行2分鐘已經上到去,係正旺中斜對面,非常方便。7點3上到去已經好full,等第3張枱,大概15分鐘就入得啦,個場分左2邊,好大地方,以放題黎講坐得唔算逼,而且侍應反應好快,上菜都好快。一坐低就梗係叫刺身先,竟然有赤貝同白玉拖羅,真係驚喜,另外再叫左三文魚,帶子,甜蝦,鯛魚,榮螺片。三文魚夠厚切肥美,呢排又話d三文魚有蟲,所以我都好仔細睇左先食,夠乾淨新鮮,帶子都幾大粒,唔係貝柱size,而且都幾creamy,咬落痴口,味道就偏淡,清清地咁。榮螺有咬口但就本身無咩味,鯛魚新鮮,比三文魚同白玉拖羅彈牙,甜蝦都幾大隻,鮮甜creamy,赤貝口感ok,但係就無乜厚度,亦唔係好甜,至於我最愛既白玉拖羅,絕對係放題中既超班級數,魚肉淋但絕對唔係梅,食個陣唔會覺得好有味,賣點係個after taste,甘甘甜甜,有d似劍魚但清新好多。另外壽司方面都有d mix and match,我地試左海膽葱吞拿魚壽司同鵝肝帆立貝壽司,細細粒一吙食得晒,海膽一般但對得起放題,配上濃濃魚油香既葱吞拿魚,鵝肝有d騷,同埋d辣椒絲好似多得劑,夾走d會
7點3上到去已經好full,等第3張枱,大概15分鐘就入得啦,個場分左2邊,好大地方,以放題黎講坐得唔算逼,而且侍應反應好快,上菜都好快。 一坐低就梗係叫 刺身先,竟然有赤貝同白玉拖羅,真係驚喜,另外再叫左三文魚,帶子,甜蝦,鯛魚,榮螺片。三文魚夠厚切肥美,呢排又話d三文魚有蟲,所以我都好仔細睇左先食,夠乾淨新鮮,帶子都幾大粒,唔係貝柱size,而且都幾creamy,咬落痴口,味道就偏淡,清清地咁。榮螺有咬口但就本身無咩味,鯛魚新鮮,比三文魚同白玉拖羅彈牙,甜蝦都幾大隻,鮮甜creamy,赤貝口感ok,但係就無乜厚度,亦唔係好甜,至於我最愛既白玉拖羅,絕對係放題中既超班級數,魚肉淋但絕對唔係梅,食個陣唔會覺得好有味,賣點係個after taste,甘甘甜甜,有d似劍魚但清新好多。 另外 壽司方面都有d mix and match,我地試左海膽葱吞拿魚壽司同鵝肝帆立貝壽司,細細粒一吙食得晒,海膽一般但對得起放題,配上濃濃魚油香既葱吞拿魚,鵝肝有d騷,同埋d辣椒絲好似多得劑,夾走d會好d。 牛油粟米麻麻地,有d炒燶左,有一面黑晒,要慢慢揀返出黎。 牛柳粒正,煮得好林咬落嫩,又有牛味,煎得又香口,仲有d牛筋添,我本身有啲驚牛筋,通常都咬到橡筋咁咬唔斷,呢度既就無呢個問題。 創作 壽司我地試左三色花之戀同鰻魚芝士卷,三色花之戀有鯛魚同三文魚,仲有飛魚子,兩款都幾得意,好多唔同既魚味係埋一齊。 燒翠玉瓜係我既all time favourite,通常我都會叫好多當食菜,呢度既翠玉瓜唔會燒得太林,仲有好多水份,咬落爽甜香脆。
我見隔離枱有蒸氣火鍋,但好似要3定4個人先有,今次就無得試了。不過我淨係食呢d都夠晒飽,而且仲有大量其他選擇,花多眼亂,要食4餐先試得匀全部,星期日都係218加一,超值超值。
張貼