更多
2015-06-10
805 瀏覽
不嬲都唔買團購飲食COUPON,但YAHOO送左200蚊劵俾我,只限團購用,咁就買左個2人餐,未入到去食,打電話訂位都已經火都黎!打電話去, : 唔該想Book 今晚團購餐2位聽電話個男人態度惡劣一句就答埋黎 : 無位!我即刻話 : 下? 我都未講幾點!男人 : 今晚full晒!我 : ok !! 明天呢?男人 : 成個禮拜都無位架啦,要食就再夜啲啦 8點半啦, 8點半係攝俾你架咋! ( 使唔使多x謝你?)之後我8點去到試下有冇得入座啦,入面得一半人,分明個老闆就係唔想啲團購客係黃金食飯時間俾人食團購餐啦! ( 我理得你想唔想做團購客啦! 而家真係無俾錢黎食既咩? 你唔想做生意你可以唔好做團購,你做團購都唔係望做一次生意啦,你都想啲客覺得好食會翻轉頭啦下話 )之後落單既時候,明知團購佢地賺得微,我不嬲唔飲飲品都同我老公一人一杯特飲,等佢地有返啲飲品錢.點知個杯特飲難飲到呢,又甜,色素又勁 成杯荔枝梳打紅卜卜,超差!同食物個part個蟹係唔錯既,咖哩汁做得唔錯鳳爪都ok個蜆冬陰功就差差差,蜆唔新鮮,個冬陰功非常難飲,原因好簡單,用一包包冬陰功湯膏開水整出黎!小食拼盤非常一般最後個薄餅,催
咁就買左個2人餐,
未入到去食,打電話訂位都已經火都黎!
打電話去, : 唔該想Book 今晚團購餐2位
聽電話個男人態度惡劣一句就答埋黎 : 無位!
我即刻話 : 下? 我都未講幾點!
男人 : 今晚full晒!
我 : ok !! 明天呢?
男人 : 成個禮拜都無位架啦,要食就再夜啲啦 8點半啦, 8點半係攝俾你架咋! ( 使唔使多x謝你?)
之後我8點去到試下有冇得入座啦,入面得一半人,分明個老闆就係唔想啲團購客係黃金食飯時間俾人食團購餐啦! ( 我理得你想唔想做團購客啦! 而家真係無俾錢黎食既咩? 你唔想做生意你可以唔好做團購,你做團購都唔係望做一次生意啦,你都想啲客覺得好食會翻轉頭啦下話 )
之後落單既時候,明知團購佢地賺得微,我不嬲唔飲飲品都同我老公一人一杯特飲,等佢地有返啲飲品錢.
點知個杯特飲難飲到呢,又甜,色素又勁 成杯荔枝梳打紅卜卜,超差!
同食物個part
個蟹係唔錯既,咖哩汁做得唔錯
鳳爪都ok
個蜆冬陰功就差差差,蜆唔新鮮,個冬陰功非常難飲,原因好簡單,用一包包冬陰功湯膏開水整出黎!
小食拼盤非常一般
最後個薄餅,催左2次,牙都撩埋都未上到, 其實成個食飯過程都只係半個鐘,我地食得快咪快啲走囉
等到個薄餅黎就即刻 her her聲食埋佢啦!!
總括 無下次
差!!!!!!!!!!!!!!
補充 : 老闆如真係嫌團購無錢賺不如唔好做團購啦,,人地食團購你就俾氣人受,咁做黎都無意思啦!亦都唔會有人透過團購而回頭,得不償失
張貼