更多
2016-08-04
914 瀏覽
星期五人人都happy friday，但返左成日工未停過，做左成日打手都無停過，放工飯都無咩胃口食，所以叫fd陪我去食碗粥。但中環食粥真係一件難事，因為無粥鋪，所以只好退而求其次食麵。玉葉之前幾次經過都想食，但lunch time 往往好多人，又要排隊又要迫，仲要趕住食，所以最後都無食。難得今日經過竟然無咩人，當然入去食啦。總覺得綠色鐵皮檔口的小店，總帶著歷史的痕跡，比連鎖店更有人情味。餐牌上選擇不多，大家都點左個豬手麵，覺得抵食，而且水準應該唔錯。麵好快黎到，我地呢啲港青梗係要影相啦，但個老闆竟然好大聲咁話：快啲食，唔可以影相，我地要做生意，你地影相會阻住我地做生意，要影相宣傳的話揾廣告公司同我地約時間！我地聽到O左嘴，真心O左嘴！我地雖然唔係食家，只係一個普通食客，但影幾張相都唔過份呀？而且店入無寫明唔俾影相。其實如果鋪頭多人，人人等食的話，我地就一定唔會影相，阻住人做生意，但當時個檔只有一枱客，一個人食緊野，我地只不過係影下自已面前碗豬手麵，都俾人話，我覺得真係好掃興。不過咁，我又唔會因為掃興而浪費食物，但真係唔特別好食！豬手係大大隻，但一啲都唔稔，要好牙力先咬到，面係普通的鹼水
玉葉之前幾次經過都想食，但lunch time 往往好多人，又要排隊又要迫，仲要趕住食，所以最後都無食。難得今日經過竟然無咩人，當然入去食啦。總覺得綠色鐵皮檔口的小店，總帶著歷史的痕跡，比連鎖店更有人情味。
餐牌上選擇不多，大家都點左個豬手麵，覺得抵食，而且水準應該唔錯。
麵好快黎到，我地呢啲港青梗係要影相啦，但個老闆竟然好大聲咁話：快啲食，唔可以影相，我地要做生意，你地影相會阻住我地做生意，要影相宣傳的話揾廣告公司同我地約時間！
我地聽到O左嘴，真心O左嘴！我地雖然唔係食家，只係一個普通食客，但影幾張相都唔過份呀？而且店入無寫明唔俾影相。其實如果鋪頭多人，人人等食的話，我地就一定唔會影相，阻住人做生意，但當時個檔只有一枱客，一個人食緊野，我地只不過係影下自已面前碗豬手麵，都俾人話，我覺得真係好掃興。
不過咁，我又唔會因為掃興而浪費食物，但真係唔特別好食！豬手係大大隻，但一啲都唔稔，要好牙力先咬到，面係普通的鹼水麵，鹼水味去唔清，重點係好咸，因為俾人話完我地都無心機再叫其他野食，所以就算咸，我地都唔點野飲。 不過碗麵同間店一樣，都幾令人失望。
我知手機先食唔係間間餐廳都容許，但人地會寫明或食前會預先同食客講明，呢間店啲態度，我覺得不但唔客氣，而且無禮貌。我知道佢地唔憂做，好有自己性格，唔志在幾十蚊生意，但我估唔到咁唔講人情，手機影張相都要同廣告公司聯絡再同佢地約時間先得，我諗呢間鋪頭，雖然抵食，但待客之道完全無，令我好失望，應該都唔會再去。
張貼
