陽光茶餐廳 (已結業)

陽光餐廳o係慈雲山黎講都算係幾出名既外賣餐廳（佢都有提供堂食），我去過店內裡食過一兩次，都ok，服務態度都冇咩問題。不過我幫襯得最多係上門外賣，平時多數同細佬兩個人一人叫一飯盒+餐飲，之後有段時間我就成日都只係叫一盒飯／麵+餐飲，佢地都會送。點知有一次，聽電話果個阿姐聽到我落完個order後（只係叫一個餐），佢就語氣好差咁講：「小姐，你知唔知你叫得果一個餐我地係唔送架囉。」我心諗，我之前試過幾次都只係叫一個餐又唔見你地同我講？張外賣紙又冇寫話一個餐or唔夠幾錢就唔送！我就回應佢：「我唔知喎，但係你地之前幾次都冇人講過話一個餐就唔送」結果個阿姐都肯幫我落單，咁就算啦！因為要人地辛苦送一個餐上黎我都唔好意思既，所以平時都會俾多d tips。跟住又有一次，我細佬同我又打去落外賣order，跟住送左兩盒野上黎啦，點知我超唔好彩，我果盒飯入面有隻曱由!!!! 勁嘔心，完完整整一大隻！！！我係食左幾啖之後挖到最底先突然見到，嚇死我！勁想嘔…我當時係好嬲，即刻打電話落去同佢地講返，佢地話再送一盒上黎，我心諗，下，咁污糟點食得落！我寧願退返錢囉！但佢地唔肯，結果個外賣阿姐再送一盒上黎，仲要我俾返盒有曱