潮江春 (已結業)

唔知點解想坐得舒舒服服噤食潮洲野，都總係會諗到潮江春，唔通個名真係改得噤好今日同爸爸嚟到撑檯腳，新年過後都想食番清淡啲清一清腸胃，叫咗幾個家常小菜就等食喇呢兜咸菜都幾開胃嘅，夠酸又凍凍地！有咸菜、花生同木耳，仲有少少微辣添鵝片上檯喇，大大碟無失禮，色水夠，食落無想像噤濃味 淡淡鹵水味同鵝味，如果鵝味多啲就更好除咗皮位之外，鵝肉偏瘦， 唔會食到成口油但２個人食就覺得多，可能叫雙拼會好啲！期待感好高嘅椒鹽九肚魚到喇，CP值好高，平平地但又幾大碟上檯即食係會「辣」口嫁，炸得薄無翻炸，香鮮出爐都已經加分唔少！九肚魚一食啲肉係會好自然噤鬆開化開本身九肚魚都唔會好大條，但如果個魚身厚肉啲就仲好！呢個咸魚煎肉餅就真係跌一跌眼鏡喇，咸魚香奉，食落好「實」 因為係煎，我仲特登睇一睇個外表，一啲都唔香脆，失望係就係無油味，但同時無咩肉味，見到都食唔落喇叫咗幾道下飯嘅菜式，我都叫番個白粥送下先白粥係偏杰身，粥水較少，而且唔係太熱，真係比較似潮洲粥！嚟到呢道，點可以唔試下反沙芋條呢？之前其實未食過呢個甜品，所以唔知正唔正宗，但食食吓覺得幾得意，硬身嘅糖包住熱熱嘅芋條！本身唔鐘意太甜嘅我，預先將小部份嘅糖拆走，