三上日本料理 (已結業)

今次去左深水埗嘅三上，算係果區好罕有嘅日本料理店。今次我叫左$58嘅午市壽司定食B，B餐本身有9件壽司，另外配撘小食，我揀左多3件加州卷。咁整個餐就有12件壽司。$58有12件，十分抵食。除左壽司之外，跟餐有中華沙津同味噌湯。等左一陣就上左3件加州卷，正正常常冇特別。話雖如此，但佢絕唔係外賣壽司嘅質素。食完3件壽司之後，等左好耐都未上其餘9件壽司，中間只上了味噌湯。呢點比較差，果個時間店其實冇咩人。既然壽司做左咁耐，我會期望佢有點驚喜。好可惜，壽司嘅魚生表面好乾，飯唔實，感覺到魚生唔太新鮮，冇咩味。但係，質素都係好過外帶壽司嘅。總括黎講$58蚊12件嘅壽司餐，算係ok啦，唔係難食，但又唔係好食。環境方面同衛生方面，店鋪俾人感覺企理乾淨，而且設計用白色做主，較其他日本料理店用黑色做主調更令人感到舒適。幾好。