更多
2013-11-10
8817 瀏覽
星期六冇訂位諗住walk-in,已經知道難過乜咁,但係心血來潮真係好想試下,所以六點搭正過少少已經攞飛但都要等差唔多成個鐘。門口姐姐好好人,俾左我地預計既時間同叫我地留低聯絡電話,唔駛我地喺門口棟喺度齋等,抵讚!Anyway,由於一早已經睇定晒menu,一坐低就可以order,而野食亦都好快手十分鐘度就全部上晒枱!Secret Mango Sparkler ($49)︰杯野好多冰同埋超甜,一飲就知係syrup加chemical加冰。不過,講解渴既話又真係幾得,但係「甜耶耶」咁始終唔係我杯茶,一直要飲到差唔多一半、當D冰溶得七七八八溝稀佢先叫做易入口D。另外,佢地亦都offer其他$69 drink連閃閃「夜光杯」拎返屋企,啱晒細路仔又或者童心未泯既朋友。BBQ Ribs ($223)︰Ribs雖然簡單,但要整得好食一D都唔容易!而呢度既ribs入味得黎味道又唔會太濃,肉既質感亦都好好,一切就即刻可以「骨肉分離」,好似以前既Tony Romas咁超級容易食。而配菜coleslaw同埋薯條都好好味好易入口,後者更加唔會炸到好似一般美式快餐店咁熱氣添!Run Across American
Overall呢間餐廳算係中規中矩,以咁既價錢都可以食到山頂既靚景同埋有咁既食物質素,以山頂呢個location黎講算係叫做唔貴。最特別既係佢地會用一個既傳統、又特別既方法為生日既人唱生日歌慶祝,單係果晚都一餐飯都已經唱左幾次歌,如果想搵個特別既地方一大班人慶祝的話呢度絕對可以係考慮之選!
張貼