更多
2010-08-25
31 瀏覽
又一個炎熱晚上，一家四口決定出去解決晚餐問題。上星期去過大戶人家，今次去虹橋酒樓。本來阿爸話想食火鍋，不過知客話九點後每位平十五蚊，我地四個人，一共可以平六十，抵好多，問我地等唔等，我地當時去到係八點四十五分，但係阿爸話唔等，改食宵夜小菜。宵夜小菜每碟廿蚊，我地以為個價錢平咗，自然個份量相對會少d啦，所以就叫咗六碟。 木桶雞半隻($30)：係蒸雞黎既，煮耐咗，好靭同埋無味﹗ 門膳煲($30)： 成煲有五至六片門膳既，其他全部係紅、青椒同埋洋葱，味道都唔錯。 海哲拼薰腣($20)： 比想像中大碟，幾抵食﹗ 荔芋扣肉煲($20)： 一共有五份荔芋扣肉，墊底的全部是生菜，味道夠，芋頭唔算硬，以廿蚊既價錢，算好好啦﹗ 帶子小炒皇($20)： 一開始見廿蚊，都諗會俾到 d 咩帶子我地食呢？原來係俾小貝柱我地，都有好多粒既，應該超過十粒。西芹夠爽口，芝麻腰果就一般啦，煮淋咗既。 潮州脆豆腐($20)： 呢味麻麻地，豆腐唔脆，好似放耐咗咁，而且係無味既，我點菜既時候以為係椒鹽味，可能我自己少食潮州野唔知啦。最後埋單一共 209 蚊，包括茶位($8/位)，一碗白飯($8)，三支藍冰啤酒
上星期去過大戶人家，今次去虹橋酒樓。本來阿爸話想食火鍋，不過知客話九點後每位平十五蚊，我地四個人，一共可以平六十，抵好多，問我地等唔等，我地當時去到係八點四十五分，但係阿爸話唔等，改食宵夜小菜。
宵夜小菜每碟廿蚊，我地以為個價錢平咗，自然個份量相對會少d啦，所以就叫咗六碟。
木桶雞半隻($30)：係蒸雞黎既，煮耐咗，好靭同埋無味﹗
門膳煲($30)： 成煲有五至六片門膳既，其他全部係紅、青椒同埋洋葱，味道都唔錯。
海哲拼薰腣($20)： 比想像中大碟，幾抵食﹗
荔芋扣肉煲($20)： 一共有五份荔芋扣肉，墊底的全部是生菜，味道夠，芋頭唔算硬，以廿蚊既價錢，算好好啦﹗
帶子小炒皇($20)： 一開始見廿蚊，都諗會俾到 d 咩帶子我地食呢？原來係俾小貝柱我地，都有好多粒既，應該超過十粒。西芹夠爽口，芝麻腰果就一般啦，煮淋咗既。
潮州脆豆腐($20)： 呢味麻麻地，豆腐唔脆，好似放耐咗咁，而且係無味既，我點菜既時候以為係椒鹽味，可能我自己少食潮州野唔知啦。
最後埋單一共 209 蚊，包括茶位($8/位)，一碗白飯($8)，三支藍冰啤酒($10)同埋加一服務費。
張貼
