稻香超級漁港 (已結業)

同媽咪飲早茶，去到門口人山人海，做孝順女就要比耐性等！ 終於等到有位！入到大廳近窗一張細枱，唔會好迫，店員即刻上茶連暖水瓶（咁就唔使成日叫店員加水） 地方闊落！餐具乾淨！落單之後飲下茶！食物好快上！稻香鮮蝦餃：外皮煙韌，蝦肉及筍絲爽口豉汁蒸鳳爪：豉汁醃得入味，鳳爪蒸得熟但未夠骨肉分離！鬆軟叉燒包：包身鬆軟，叉燒餡多！味道偏甜！家鄉咸水角：炸得香噴噴，外脆內軟！好味！香煎蝦米腸：煎得香脆，外脆內軟，去自助吧取醬料，選擇好多！揀咗甜辣醬，味道正常！及辣椒油！呢個有驚喜，好香，辣得來唔嗆喉！似XO醬嘅辣，店員話係師傅自己炒的！好多客都鍾意食！水晶和果子：唔夠熱，水晶皮好韌！中間餡料幼滑！但整體因外皮差唔好味！食物好味，服務又好！店員健談！服務好殷勤！埋單去門口收銀，可以碌卡及八達通比錢！方便。