灑家燒味小廚 (已結業)

同媽咪阿妹入屯門探親友，探完後都兩點幾，肚仔餓係V City搵嘢食。見到有下午茶又有點心，就閃咗入去灑家燒味小廚食！見到咁靚0既燒味，我就忍唔住，流晒口水！所以order 咗個燒鵝脾！你可以要求免切或者切開。為了方便媽咪食，我都係叫佢切開咗！喜歡呢度0既燒鵝脾不會太肥或太油。而且個皮燒得好靚！光澤感勁好！我比較喜歡食瘦一點的燒鵝，但又好怕食一兩舊就漏到嘔！想不到灑家的燒鵝，不會很漏，相信免切成隻食我都可以一個人KO佢！肉質嫩滑美味，燒得甘美脆口！正！燒味未夠喉，所以叫咗個拼盤！咁食法，以為會漏死？唔會囉！呢度啲燒味，走油走得幾好，唔會成堆油係碟上。值得一讚是個燒腩仔，真係好鬼脆！阿妹愛食牛腩，所以叫咗個牛腩麵。呢度的牛腩麵不會很肥，有著牛筋一起。牛腩入味，湯也較清，油不算多。麵質爽口，不錯！再黎是干炒牛河！咁邪惡，當然要人多先食！炒河條條有色，炒得均勻有鍋氣！而且牛肉夠嫩不會老！嗱嗱林就KO一碟了！食清少少，就黎個流沙包，奶黃夠滑，流得夠晒料~ 而且不會太甜！熱辣辣食，小心辣親嘴仔啊~~還有馬拉盞！古法製，不會太甜。新鮮出爐最好食！想不到灑家的燒味及點心咁出色！點解觀塘個間無燒味？得粥