利小館 (已結業)

Vcity嘅Apps實在方便，由屋企一出門口就用Apps攞定號碼，縮短等候時間，經過20—25分鐘路程行到去都要等，無辦法啦～星期日嘛，先黎兩個麵，有比較，但兩者都好味，冷麵麻香、擔擔麵由於一啲都唔四川，唔食得辣嘅老爸都讚好，花生醬香濃搭夠，香檳汁海鮮焗飯四人share剛好唔覺膩，咖哩比較特別，應該係自家調較香料，可以一試，無椰漿味嘅就至啱我，雞塊外貌同麥樂雞似足孖生兄弟，口感嫩滑，食得出係用心手剁出黎嘅雞肉，與別不同，整體完全滿意，唯一只能挑剔蓮藕餅，薯粉多較漿口藕肉比較少。