更多
2015-08-10
1107 瀏覽
店地址寫漆咸道, 但入口是赫德道, 學生時代曾住尖沙咀區, 十分熟悉此地, 此店的樓上, 那間"太風流"的北京菜館在小學時代已經開業, 家人至愛, 出名之後, 星期五、六、日排隊入座, 但食物質素....唔使多講, 鹿鳴春是最佳例子....門口一張大型招紙, 打正旗號: "博多の焼き鳥", "焼き鳥"直譯, 就是雞的串燒, "焼き"即燒烤, 鳥即"雞", 日本語也有"鶏"字, 但寫法與中文有少許不同. "鳥燒"是雞肉燒的代用詞 (其實中文也有類似的代用詞, 例如: 皮蛋瘦肉粥, 語法上省略了"豬"字, 全寫應該是"皮蛋瘦豬肉粥". 但一般用法上, 香港人講"瘦肉", 必定是指豬肉, 而不會是"牛肉", 如你問: 為什麼"瘦肉"不可以是"牛的瘦肉"...?? 那你試試去街市同肉檔老闆講要一斤"瘦肉", 睇吓佢會唔會比"瘦牛肉"過你!??...不過, 問還問, 奉勸你千企好同佢理論...一般情況下, 佢應該會係揸住把刀既...好似係...). 東京的串燒店就真係名正言順地只賣"雞"的串燒: 燒雞皮(かわ)、雞心(こころ)、雞臀肉(ヒップ)、燒燒雞軟骨(なんこつ)、燒雞肝(きも)....
店地址寫漆咸道, 但入口是赫德道, 學生時代曾住尖沙咀區, 十分熟悉此地, 此店的樓上, 那間"太風流"的北京菜館在小學時代已經開業, 家人至愛, 出名之後, 星期五、六、日排隊入座, 但食物質素....唔使多講, 鹿鳴春是最佳例子....
門口一張大型招紙, 打正旗號: "博多の焼き鳥", "焼き鳥"直譯, 就是雞的串燒, "焼き"即燒烤, 鳥即"雞", 日本語也有"鶏"字, 但寫法與中文有少許不同. "鳥燒"是雞肉燒的代用詞 (其實中文也有類似的代用詞, 例如: 皮蛋瘦肉粥, 語法上省略了"豬"字, 全寫應該是"皮蛋瘦豬肉粥". 但一般用法上, 香港人講"瘦肉", 必定是指豬肉, 而不會是"牛肉", 如你問: 為什麼"瘦肉"不可以是"牛的瘦肉"...?? 那你試試去街市同肉檔老闆講要一斤"瘦肉", 睇吓佢會唔會比"瘦牛肉"過你!??...不過, 問還問, 奉勸你千企好同佢理論...一般情況下, 佢應該會係揸住把刀既...好似係...).
東京的串燒店就真係名正言順地只賣"雞"的串燒: 燒雞皮(かわ)、雞心(こころ)、雞臀肉(ヒップ)、燒燒雞軟骨(なんこつ)、燒雞肝(きも).... 所有都是雞, 間中也找到一些會賣"燒牛"的. 但福岡就完全不同了, 在福岡的博多, 一家"焼き鳥"店所賣的串燒多不勝數, 豬、羊、雞、牛和牠們的內臟, 還有不同類型的瓜菜, 大大話話都有四、五十款.
玻璃窗貼了一張"近江牛"介紹單張, 日本三大和牛: 神戶牛、松阪牛和近江牛, 頭兩種和牛:神戶牛和松阪牛, 香港人聽慣聽熟, 而近江牛是近幾年才進入香港市場. 出產近江牛的滋賀縣, 有豐富資源和淨水來培育牛隻, 飼養出來的和牛, 肉質和脂肪幼嫩之餘還帶微微粘性, 燒烤時油香濃郁, 聽蔡さん講過, 東京的世界級牛扒店"麤皮"都是用近江牛.
另外一塊 A3 餐牌, 由愛因斯坦先生推介的博多的焼き鳥, 我的富貴友人問： 點解係"愛因斯坦"?? ? 我抓一抓頭 ....隨口噏: "唔唔...因為愛因斯坦係食素囉....", 友人於是又抓抓頭....哈哈... (愛因斯坦真係素食者, 無呃你, 有興趣上網找找). 串燒價錢多由十幾元到三十幾元, 豐儉由人, 另外還有些特別款式, 例如鹿兒島和牛和伊比利亞黑毛豬, 也只是略貴一點, 由四十至六十多元不等.
另外的一版介紹: 冷盤、沙律、芝士小食、炸物、特色天婦蘿、卷物和特色壽司等等, 大多數都是有創意的改造菜色.
店內牆上 有一列愛因斯坦伸出舌頭的照片. 這張攪笑照片, 是愛因斯坦72 歲生日時拍攝, 當時記者們圍著愛因斯坦做訪問, 並要求他對著鏡頭笑, 可能科學家不慣生硬的裝笑, 於是表現出很無奈的表情, 伸了一伸舌頭, 轉頭走人. 這突發一刻的表情, 被其中一位攝影師Arthur Sasse 拍低了, 成為其中一張最多人認識愛因斯坦照片, 也是在拍賣會拍得最貴的愛因斯坦照片: 七萬四千美元, 即差不多五十七萬港幣..... 友人隨即彈了一句：嘩 ...伸一伸條脷，就有五十幾萬 .... 我答話：如果你條脷可以伸到落地下.... .. 我估唔止呢個數 ....
37 瀏覽
0 讚好
0 留言
17 瀏覽
0 讚好
0 留言
28 瀏覽
0 讚好
0 留言
15 瀏覽
0 讚好
0 留言
13 瀏覽
0 讚好
0 留言
40 瀏覽
0 讚好
0 留言
36 瀏覽
0 讚好
0 留言
23 瀏覽
0 讚好
0 留言
34 瀏覽
1 讚好
0 留言
23 瀏覽
0 讚好
0 留言
15 瀏覽
0 讚好
0 留言
54 瀏覽
1 讚好
0 留言
32 瀏覽
1 讚好
0 留言
17 瀏覽
0 讚好
0 留言
張貼
