WIRED CAFE (已結業)

今日尼到尖沙咀Mira mall 地下既wired cafe，佢深藏係一個年輕時裝既區域，裝修年輕時髦，主色調係啡色和木感。佢地既拿手小菜係pan cake, 真係用個pan 上既pan cake。由普通既香蕉pan cake 至風乾火腿pan cake 都有。西蘭花煙肉意大利麵配忌廉汁這個意粉可能用了較日式的方法煮。佢既汁比較稀，唔似出邊意大利餐廳果種。個汁既味道亦都偏淡，所以蝦既雪味就表露無遺，煙肉也不是特別好味。巴馬火腿蜜桃熱香餅簡單尼講係將一塊Parma ham，沙律菜和桃放上一個pan cake 上面。這個新穎既菜式希望用熱香餅也能做出咸菜式，可惜效果不是太理想。我不會說這菜式難食，而且其實最後pan cake 也是用糖漿伴上，所以感覺好像火腿沙律和pan cake 各自是一個個體，沒什麼連系。雲尼拿奶凍配烤菠蘿香蕉朱古力撻個樣都整得幾靚，食落其實有點失望。香蕉巧克力批很水，一切開巧克力醬全都流出來了，雲尼拿奶凍沒什麼問題，不過能做得軟滑一點更好。裝修風格特別，服務態度不算理想，沒有人的下午也限制食用時間。價格可以接受，飲品不算理想。