更多
2015-10-04
4448 瀏覽
一直都有朋友同我講outdark既芝士排骨、芝士辣雞咁,我一直都好想試下,睇下有幾咁好食,點解成日要排隊呢!好啦...呢一日,我呢個自由身6點幾去到,唔洗等,早d入去早d食嘛。一開lift門,嘩...2個世界,店內好黑啊!突然間有d夜盲症發作,不過好快冇事 (笑)。店內坐位都算舒適,由於時間尚早,店內客人唔多,所以唔算嘈,後尾人多就嘈啦,不過我已經食到尾聲要走,哈哈!好啦!一場黎到一定要食芝士排骨/雞,我地2個人叫左芝士辣雞(小辣),等左15分鐘左右就黎啦!嘩...賣相好得,排得好靚吖。中間有芝士、辣雞、洋蔥、青紅椒、粟米,仲有年糕添,旁邊有2球好似蕃薯既物體,有點乾,麻麻地,仲有牛油粟米,芝士蛋漿咁樣啦!不過呢d配角可以唔洗理,非常普通。叫呢盤雞仲可免費加年糕串、野菜沙律或飯團,由於我地唔知盤雞入面有年糕,所以加左年糕串 XDD, 早知要飯團啦 !講返個芝士雞先,umm...首先小辣個汁食食下都幾辣,但接受到的,不過個汁真係好甜,第一啖食時只食到甜味同辣味,完全蓋過左芝士既味,雞肉有炸過,不過唔會話乾,細細粒一啖一口都幾好。食之前店員會黎serve我地,準備好哂我地動動筷子就食得,服
講返個芝士雞先,umm...首先小辣個汁食食下都幾辣,但接受到的,不過個汁真係好甜,第一啖食時只食到甜味同辣味,完全蓋過左芝士既味,雞肉有炸過,不過唔會話乾,細細粒一啖一口都幾好。食之前店員會黎serve我地,準備好哂我地動動筷子就食得,服務周到的。不過如果個汁冇咁甜應該會加返分,真係甜到食唔到一半要停手,希望有改善啦! 我朋友生蟲,叫多半份 炸雞(原味),吖...好味喎呢個,炸得鬆脆juicy熱辣辣,上面仲有d芝士粉更加吸引,每咬一啖都脆到呢,食得好滿足,呢個可以食多次吖。 睇下件雞幾正,有冇流口水先,其實呢個 炸雞係我近期食既算好味架啦!下次再去既話會想返兜炸雞 & 紫菜包飯 hehehe 嗱,食 炸雞一定要飲啤酒降火去熱氣,食到熱麻辣辣,飲啖啤酒爽到呢…如果可以食2個鐘更好啦!而家用餐時間只係個半鐘,落order...等上檯...等店員serve,到真正食得只有一個鐘咋,真心食得好趕囉。
張貼