Lab Made 分子雪糕專門店 (已結業)

Lab made已經成為我的雪糕寵兒，幾乎每次食雪糕都會即刻諗到，加上口味成日keep住轉新款，最適合貪新鮮的我。今次行街經過尖沙咀，諗起lab made係附近，心郁郁想食，不過呢間次次去到都排隊，所以之前一直都未試過，直到今次閒日下午來到，終於唔使排隊就有得食啦。蘋果金寶味睇落普通，但食落帶有濃郁的香氣，最令我欣賞是雪糕中的餅碎，豐富整體口感，加上自己本身喜歡蘋果金寶，自然大加分啦！