更多
2013-04-10
634 瀏覽
W HOTEL 的「KITCHEN」=見去過的朋友評語都不太好，而且位置不太方便，因此從開張到現在都沒有衝動去試。最近，好友為BB在「KITCHEN」擺百日宴，小妹終於有機會去W HOTEL見識見識。享受從酒店門口走到餐廳的過程大堂有超高樓底加上擺放不少藝術品感覺不錯；一走進電梯，地面的大螢幕，寫上”Good Morning" 真係醒神！到了6樓，鮮艷奪目的 Designer Sofa 枱上放了一個型仔擺設，有型有格；旁邊的大型的孔雀藝術品，更加搶眼，實在忍不住要到處拍照留念！餐廳內樓底夠高，空間感足；景觀開揚，雖然見到多隻躉船，但整體氣氛都不錯。餐廳內裝潢貫徹酒店的型格、摩登風格，好似去了Modern Art Museum 一樣。特別欣賞buffet旁的高餐檯擺設，好有氣派；旁邊的窗櫃用碗碟砌成的藝術品更是一絕!自助餐區中間是Open Kitchen 讓廚師預備食物的地方，見到外國人主廚在檢查食物，見到我們更主動講”Good Morning" ，真係唔錯！終於去攞食物最搶眼是前菜區及甜品區，佔整體面積一半前菜區有不少Salad 選擇， 意大利火腿& Smoked salmon都有很多
最近，好友為BB在「KITCHEN」擺百日宴，小妹終於有機會去W HOTEL見識見識。
享受從酒店門口走到餐廳的過程
大堂有超高樓底加上擺放不少藝術品感覺不錯；一走進電梯，地面的大螢幕，寫上”Good Morning" 真係醒神！到了6樓，鮮艷奪目的 Designer Sofa 枱上放了一個型仔擺設，有型有格；旁邊的大型的孔雀藝術品，更加搶眼，實在忍不住要到處拍照留念！
餐廳內樓底夠高，空間感足；景觀開揚，雖然見到多隻躉船，但整體氣氛都不錯。餐廳內裝潢貫徹酒店的型格、摩登風格，好似去了Modern Art Museum 一樣。
特別欣賞buffet旁的高餐檯擺設，好有氣派；旁邊的窗櫃用碗碟砌成的藝術品更是一絕!
自助餐區中間是Open Kitchen 讓廚師預備食物的地方，
見到外國人主廚在檢查食物，見到我們更主動講”Good Morning" ，真係唔錯！
終於去攞食物最搶眼是前菜區及甜品區，佔整體面積一半
前菜區有不少Salad 選擇， 意大利火腿& Smoked salmon都有很多款；
最特別是Yogurt 杯，味道都有六款選擇;
愛健康的女士們一定不會錯過這裡的前菜區;
但我不太愛食Salad ，只是自己Mix 左Caesar Salad；老公食左意大利火腿，評語是超咸。
麵包區這裡的食物擺放幾有心思，個人喜愛這過放芝士的擺設
設放中間位置，麵包籃擺得幾吸引，但一點不熱，沒有興趣
另一邊有部切火腿的機器。
海鮮區：選擇很少，只得長腳蟹、蝦仔、蝦及青口；
食了長腳蟹、蝦仔．．．無味～
刺身壽司區：刺身只得兩款，三文魚和吞拿魚，沒有像其他高級酒店一樣有師傅即切。
壽司有四款，都係大路貨式， 三文、蛋、甜蝦、魷魚、北極貝。另有多款卷物．．．完全不吸引
只食了吃三文魚和吞拿魚刺身．．．刺身不肥美而且鮮甜味同樣欠奉
點心區：有蒸籠的點心，頗有睇頭，但款式只有四款，
只食了蝦餃，味道比叮叮點心還要差，裡面D蝦餡料好難食有D梅，最後吐出來．．．
燒味區：有燒肉、燒鵝、北京塡鴨，賣相不吸引，但味道出奇好～特別是燒肉熱葷區：
款式不太多都係大路嘢～
比較吸引是這個Benedict Egg，老公想攞嚟試試，但老公輕按Benedict Egg發覺是實心的，絕對沒有溏心效果，
最後只在攞熱葷區裹攞左羊架，肉質都可以，夠淋有羊味
甜品區：長長的甜品桌上有十多款甜品，七彩繽紛 ，有不同款式，十分吸引！
最搶眼是這個吊在空中的盤，放滿七彩繽紛的綿花糖，另有好多個高身透明桶內放滿黃色的食物；
其實好多都好靚，但靚到都唔知係裝飾擺設定真係食得～
這幾個Cupcakes都好潮，用上"Facebook" 、"like"、 "QR" LOGO做，幾特別；最肯定食得的甜品係Haagen Dazs 雪糕，味道都有四款，抵食！
試了幾款cakes，但味道一般；甜品杯（有choco味 及mango味兩款）味道較好，可以一試
最後餐飲點了冷朱古力便結束這餐午餐＊祝好友BB快高長大，身體健康
總結：這裡的食物的擺相都好正但食物選擇小及味道一般；特別係香港人最喜愛的海鮮區及刺身壽司區，非常失望！！
回家後，睇OpenRice，原來這裡的Buffet都是大約三百，而且有信用咭優惠，價格都不太貴；
這個價錢跟食物質素及選擇相對；就當去了Modern Art Museum 睇下藝術品食下嘢，在這個型爆的環境跟好友相聚
都幾好！
張貼
