Cafe 103

營業中

休息中

老婆話想禮拜六輕輕鬆鬆嘆lunch buffet, 於是我哋book咗ritz carlton cafe 103……由於當日天氣陰晴不定，所以不算很多人。即使我們坐window seat，但是全無景色可言， 窗外只是白濛濛一片。講返啲嘢食, 在同類高級酒店的餐廳而言, 種類不算多但質素全是非常之高,所謂貴精不貴多!冷凍海鮮有生蠔 、凍蟹、蟶子、生蝦和波士頓龍蝦等等...食落算新鮮,不過生蠔略嫌太細隻，聖子亦冇乜味，其餘非常唔錯！湯有兩款可選一試磨菇湯另外是蟹皇羹， 我自己較愛蟹皇羹，不過當然多蟹肉絲會更加好味！至於熱食方面， 有和牛鵝肝漢堡、 燒牛仔肉、 燒豬柳、 各式燒味、 豉椒青口、 xo醬炒大蝦 和湯粉麵 等等！ 這些都是一般酒店buffet能夠提供的菜色所以沒有什麼特別。 不過夥記的反應非常快，他們換菜換碟的速度是六星級的水準。所以他們的服務質素很高！！！甜品方面除了雪糕生果也有各式各樣的西餅， 但由於主菜已食得很飽，所以只是試了一兩個西餅，味道唔錯水準中上。