更多
2015-08-10
4593 瀏覽
7月29日, 之前試過Holiday Inn數次, 不外乎朋友婚宴飲喜酒或食意大利菜. 最近有朋友推介呢度嘅海鮮自助餐, 仲話一星期七日日日不同主題~ 咁arm今晚就係呀菲最愛之一嘅蟹! 呢度野食種類好豐富, 淨係頭一round都已經諗咗好耐食乜好~::: 沙律冷盤類 :::平時寫呢個類別都會由沙律開始, 不過今次真係要調一調, 先寫呢個即開生蠔! 係睇住師傅逐隻開, 隻隻都超新鮮肥美, 真係值回票價!除咗生蠔, 其他冷盤都十分吸引~ 當中首推蟹肉牛油果芒果沙律, 蟹肉鮮芒果甜再加上牛油果味道超配! Yummy! 日本芥末蟹肉伴木瓜呢個配答幾有趣, 又幾fresh幾好味~ 蟹肉沙律多士都好味, 鮮果蟹肉沙律都唔錯, 勝在密瓜哈密瓜夠甜味. 其他沙律菜都好新鮮, 醬汁配料亦多, 又健康又美味~另外, 仲有大大隻啖啖肉嘅麵包蟹! 蟹蓋亦多膏~ 但可惜肉質就唔算特別鮮.當然唔少得刺身! 三文魚、甜蝦、鮑魚、立魚、吞拿魚, 每款都新鮮肥厚, 正!::: 熱葷類 :::冷盤已經食到半飽, 但熱葷都好吸引人! 最正最有heart嘅係個原盅燉湯, 川貝燉鱷魚肉湯! 半夜連咳咗幾個月嘅呀菲即刻灌咗盅,
::: 沙律冷盤類 :::
平時寫呢個類別都會由沙律開始, 不過今次真係要調一調, 先寫呢個即開生蠔! 係睇住師傅逐隻開, 隻隻都超新鮮肥美, 真係值回票價!
除咗生蠔, 其他冷盤都十分吸引~ 當中首推蟹肉牛油果芒果沙律, 蟹肉鮮芒果甜再加上牛油果味道超配! Yummy! 日本芥末蟹肉伴木瓜呢個配答幾有趣, 又幾fresh幾好味~ 蟹肉沙律多士都好味, 鮮果蟹肉沙律都唔錯, 勝在密瓜哈密瓜夠甜味. 其他沙律菜都好新鮮, 醬汁配料亦多, 又健康又美味~
另外, 仲有大大隻啖啖肉嘅麵包蟹! 蟹蓋亦多膏~ 但可惜肉質就唔算特別鮮.
當然唔少得刺身! 三文魚、甜蝦、鮑魚、立魚、吞拿魚, 每款都新鮮肥厚, 正! ::: 熱葷類 :::
冷盤已經食到半飽, 但熱葷都好吸引人! 最正最有heart嘅係個原盅燉湯, 川貝燉鱷魚肉湯! 半夜連咳咗幾個月嘅呀菲即刻灌咗盅, 細細個燉盅但超足料, 啖湯飲落順喉到不得了~ 正呀!
蟹肉扒西蘭花面頭淋上蟹肉蟹籽, 比平時一般自助餐更高級~
蒜茸辣椒蟹肉炒意粉就爭少少, 味道略淡, 蟹肉份量亦唔多, 意粉亦都較淋.
薑蔥炒龍蝦鉗, 超大隻鉗, 啖啖肉!
泰式咖哩蟹聞落好香又惹味~
蟹籽海鮮炒飯都幾足料, 味道都唔錯.
蒜茸粉絲蒸扇貝, 大大隻扇貝又鮮甜又有咬口, 蒜茸粉亦超入味! ::: 甜品類 :::
已經食到好飽飽, 甜品只敢揀d清清地嘅黎食. 有燉奶同新鮮生果~ 當然唔少得食下haagen Dazs啦! 其實仲有好多款式繽紛嘅蛋糕凍餅等美食未能一一試食, 但慶幸所揀所食嘅全部都好好味, 甜而不膩~ 令今晚嘅自助餐有個完美句號! 由於今晚嘅海鮮主題係蟹~ 當然唔少得大量以蟹入饌嘅頭盤、熱葷! 難得的是每款蟹主題嘅蟹肉份量都係十分慷慨足料! 晚餐$5XX一位價錢合理, 但有埋匯豐信用卡75折優惠就好抵~ 而如果係食宵夜 自助餐用信用卡優惠仲$200唔洗兼繼續有源源不絕生蠔供應就係非常超級抵! 唔怪得臨近9點半門口就開始積聚長長人龍排隊等食呢~
張貼