更多
2015-04-27
2167 瀏覽
網上搜一搜, 發現此店下午茶的All Day Breakfast超平, 只是五十大元, 其他”西店”的相類似”全日早餐”, 大多是八、九十、甚至過百. 咁平, 行多兩步, 絕對唔介意….小型酒店內的三樓, 上到去, 要排隊…哈哈…果然係好嘢, 好嘢先多人排隊麻…友人隨即 質問翻我一句:”上次你又話香港人跟風, 排隊未必係好嘢既..!?!?!!”… 吖… 屎仔包…係要咥住晒….入到去, 我知典解喇, 原來店員都係靚仔靚女… 哎…就算唔係靚既, 個樣都裝扮得有型有款, 唔怪得之吸引咁多後生仔好上嚟啦… 友人補加一句: “唔單只, 重吸引到好多中女添…” (拿…呢句唔係我講架…),落單, 兩人分別要了兩款早餐, 友人的 Light Breakfast (輕巧早餐), 我是Barista Combo Barista (精選).Barista Combo Barista (精選) $50, 先上檯, 平價, 水準係無咁高, 可接受. 多士, 較硬, 烘得未足時間, 還白白的顏色. 香腸, 屬紐倫堡款式, 但韌度不足, 而且無煎過(這點不可原諒), 煙肉, 煎過, 香口, 滿意. 火腿, 非平價貨
小型酒店內的三樓, 上到去, 要排隊…哈哈…果然係好嘢, 好嘢先多人排隊麻…友人隨即 質問翻我一句:”上次你又話香港人跟風, 排隊未必係好嘢既..!?!?!!”… 吖… 屎仔包…係要咥住晒….
入到去, 我知典解喇, 原來店員都係靚仔靚女… 哎…就算唔係靚既, 個樣都裝扮得有型有款, 唔怪得之吸引咁多後生仔好上嚟啦… 友人補加一句: “唔單只, 重吸引到好多中女添…” (拿…呢句唔係我講架…),
落單, 兩人分別要了兩款早餐, 友人的 Light Breakfast (輕巧早餐), 我是Barista Combo Barista (精選).
Barista Combo Barista (精選) $50, 先上檯, 平價, 水準係無咁高, 可接受. 多士, 較硬, 烘得未足時間, 還白白的顏色. 香腸, 屬紐倫堡款式, 但韌度不足, 而且無煎過(這點不可原諒), 煙肉, 煎過, 香口, 滿意. 火腿, 非平價貨色, 屬有邊式煙火腿. 煎蛋, 半熟程度滿意, 微微脆邊, 蛋黃雖未致於微微卜起, 但都沒有暗色, 絕對新鮮. 茄汁豆和底下的蕃茄, 微暖, 有煮過, 算有誠意. 沙律菜, 新鮮, 爽口, 用杰杰的黑醋汁, 我滿意, 但友人喜歡薄身黑醋.
友人的Light Breakfast (輕巧早餐), $40, 煎蛋, 一隻爛了, 而且爛到蛋黃都失蹤. 雞扒, 我試了一口, 煎得皮脆, 但肉質太乾, 而且有些少硬和實, 水準差了一皮. 多士, 都係白白一片, 接近無烘過.
咖啡, 加錢要了”拿鐵”鮮奶咖啡, 味道可以, 唔太濃, 啱下午茶時段.
食完, 心諗, 水準一般, 但都會再嚟, 原因係, 價錢只貴過茶記些少, 都算抵食.
張貼
