更多
2016-02-23
5178 瀏覽
終於約到朋友仔食餐浪漫情調既晚飯喇 ﹗由上水直接搭的市到步，交通非常暢順，提前到達，天都都未黑齊啊。依舊餐前提供芝麻薄脆及餐包呢，又唔係特別好食，不過邊食邊傾計邊諗諗 order 咩前菜都係不錯良伴。難得的福氣可以跟朋友仔二人世界，開飯前黎張甜蜜合照先。生蠔併盤，依家仲未係季節食蠔皇 belon 000，每年大約十月、十一月左右，好掛住您呀！咁有食住法國Ostra regal、法國 white pearl、美國車厘蜆先啦。味道由淺到濃，即叫即開鮮到痺！第 1 款先解決車厘蜆，結實爽脆，帶獨特鮮果清甜味道及香氣，當然好食啦。第 2 隻係白珍珠，非常 cream 棉滑，海水咸香適中又溫和，柔柔既 after taste 令人回味無窮。最後既 Ostra 係 3 款之中最濃味，金屬味道突出，強烈海水味道，幸好咸而不濁，嫩滑中帶點彈性，餘韻久久不散。各有所長，好味。香煎黑豚臉珠肉卷帶子，唔講永遠估唔到係黑豚臉珠肉，食材夠晒刁轉 ﹗仲要卷住帶子慢火乾煎，讓黑豚肉天然油脂滲入帶子每顆細胞之中，煎得外脆內嫩帶子肉、嚥韌既風乾臉珠肉、清新既咸香搭上帶子既鮮甜味，最後放係忌廉牛油汁上打滾才整粒掉入口中，
生蠔併盤，依家仲未係季節食蠔皇 belon 000，每年大約十月、十一月左右，好掛住您呀！咁有食住法國Ostra regal、法國 white pearl、美國車厘蜆先啦。味道由淺到濃，即叫即開鮮到痺！第 1 款先解決車厘蜆，結實爽脆，帶獨特鮮果清甜味道及香氣，當然好食啦。第 2 隻係白珍珠，非常 cream 棉滑，海水咸香適中又溫和，柔柔既 after taste 令人回味無窮。最後既 Ostra 係 3 款之中最濃味，金屬味道突出，強烈海水味道，幸好咸而不濁，嫩滑中帶點彈性，餘韻久久不散。各有所長，好味。
香煎黑豚臉珠肉卷帶子，唔講永遠估唔到係黑豚臉珠肉，食材夠晒刁轉 ﹗仲要卷住帶子慢火乾煎，讓黑豚肉天然油脂滲入帶子每顆細胞之中，煎得外脆內嫩帶子肉、嚥韌既風乾臉珠肉、清新既咸香搭上帶子既鮮甜味，最後放係忌廉牛油汁上打滾才整粒掉入口中，那種澎湃既滿足感非筆墨可以形容。
火箭菜鮮牛肉他他伴法包，如藝術品一樣既賣相，光芒四射、儀表出眾，令食慾大大颷升 ﹗侍應姐姐先替所有配料撈得透徹均勻，再平均地放在每一塊法包上，麻煩晒呢，thank you。生雞蛋將所有味道融合牽引，配搭十分出色，必食之選！深黃色既蛋黃使到食材更鮮艷奪目，立立令又閃閃發光，太利害了吧 ﹗生牛肉鮮甜嫩滑，火箭菜跟幼細既蕃茄粒、洋蔥粒混合，撒上少少即礳黑椒碎，非常可口美味！甜酸辛辣菜肉香口惹味共冶一爐，第一次食到咁好食既牛肉他他乍 ﹗頭盤即開生蠔、香煎黑豚臉珠肉卷帶子、火箭菜鮮牛肉他他伴法包，款款精彩絕倫，絲毫無位可以批評，超讚！必食之選。
忌廉龍蝦湯，我最愛既西湯，永遠排第 1 位。依舊高質可口，幼滑不粉口，散發著龍蝦芳香氣味，飲落順喉不苦不澀。龍蝦肉鮮爽甜美，一飲而盡、半滴不漏，好好味。雖然我經常都掛住 Hugo's 既堂煮干邑龍蝦湯，so sorry 啊。忌廉蠔湯，將蠔肉打碎再煮湯，蠔味濃到頂點，質感有如食緊蠔碎一樣。不過質地有點水，不夠濃稠而且有少少腥味啊，都算合格既。Step by step，食完頭盤、飲完湯，好快到主菜出場喇 ﹗中場休息一下，談談心、欣賞下無敵海景、聽聽叔叔琴師 live 鋼琴演奏。
波士頓龍蝦扁意粉，輕微失準喎！龍蝦肉焗過火了一點點，濃了一點點又乾了一點點，好采肉質依然彈牙，勁爽勁甜，帶淡淡海水味喎。扁意粉煮得碎了一點點，好多都斷到一截截，唔夠完整呢。意粉掛上龍蝦油連醬汁真送入口，質感嚥韌滑溜，好味啊。雖然龍蝦油味道未見突出，偏淡了，不過整體都滿意。
碳燒安格斯牛柳伴菠菜法國鵝肝，牛柳三成熟非常出色，煎封得宜，外層味道香濃，裡面粉紅棉滑又多汁。伴上菠菜鵝肝芥辣同吃，味道特別又豐富，多重享受！鵝肝味道有點酥，帶著菠菜一齊食較好。兩款招牌菜，碳燒安格斯牛柳伴菠菜法國鵝肝、波士頓龍蝦扁意粉，都係唔錯既選擇！
晚咁高興，當然要食甜品點綴一下啦。最後用法式蘋果撻同梳乎里作結！好開心既一頓豐富晚餐！法式梳乎里，比較食開既梳乎里結實，清淡甜味可以接受，微微泛著蛋香，我最怕甜的，剛剛好。法式蘋果撻，即做簡單蘋果撻，應該人人係屋企都做得到。糖漿、酥皮、蘋果，完成。微弱既甜味，加上天然蘋果香甜，不過不失，無咩特別，還可以。
今晚唔想完結，立即起行轉場飲杯野，將愉快既心情延續落去 ﹗Let's go Aqua ﹗
芝麻薄脆及餐包
233 瀏覽
0 讚好
0 留言
芝麻薄脆及餐包
142 瀏覽
0 讚好
0 留言
法國Ostra regal、法國 white pearl、美國車厘蜆
127 瀏覽
0 讚好
0 留言
法國Ostra regal、法國 white pearl、美國車厘蜆
92 瀏覽
0 讚好
0 留言
香煎黑豚臉珠肉卷帶子
58 瀏覽
0 讚好
0 留言
火箭菜鮮牛肉他他伴法包
45 瀏覽
0 讚好
0 留言
火箭菜鮮牛肉他他伴法包
49 瀏覽
0 讚好
0 留言
忌廉龍蝦湯
28 瀏覽
0 讚好
0 留言
忌廉蠔湯
22 瀏覽
0 讚好
0 留言
波士頓龍蝦扁意粉
23 瀏覽
0 讚好
0 留言
波士頓龍蝦扁意粉
31 瀏覽
0 讚好
0 留言
碳燒安格斯牛柳伴菠菜法國鵝肝
50 瀏覽
0 讚好
0 留言
碳燒安格斯牛柳伴菠菜法國鵝肝
46 瀏覽
0 讚好
0 留言
法式梳乎里
26 瀏覽
0 讚好
0 留言
法式蘋果撻
36 瀏覽
0 讚好
0 留言
50 瀏覽
0 讚好
0 留言
42 瀏覽
0 讚好
0 留言
張貼
