Alzina Spanish Asador (已結業)

抵食西班牙brunch($398再七折)-尖沙咀哩間西班牙菜逢星期六、日都有半自助餐食，四月去食仲有照價七折添，食物包括每人一份主菜，仲有大量前菜、冷盤、熟食任食，正😍。主菜司令試左西班牙乳豬同西班牙海鮮飯，原先以為一人一份會細細份，點知個海鮮飯個size大到成張枱咁😱。乳豬超推薦！真係做到外皮好薄好脆，裡面既豬肉又超嫩勁多汁，剩係份主菜已經值回票價啦😍！其實食完主菜已經好夠飽，但望住咁多tapas點可以唔試啊，沙律、芝士、麵包哩啲基本啦，想食地道啲，西班牙蛋餅同吞拿魚釀蛋都好食😋，再加埋煮青口、青醬煮蜆等等既海鮮，真係飽到上心口，淨係火腿司令都食左十幾片啊唔好講笑😂。最後最後連甜品都要一大碟咁上，有西班牙式焦糖布甸、芝士蛋糕、雪糕，同埋點少得Churros呢？食埋甜品就真係夠曬滿足啦😛。