更多
2016-02-02
5747 瀏覽
偶爾想悠閒度過下午，都會心郁郁想來個Afternoon Tea(不是high tea)。半島、洲際、茶園、The Green都試過，心水始終係洲際同茶園，食物質素高，環境又舒服，只係茶園好似越來越貴，所以多數會去洲際，貪佢人少d之餘(以外國人為主，好少強國人)，又可以向住大片落地玻璃望維港景，非常relax。洲際平日都有Afternoon Tea供應，Basic的兩位$608，另包兩位餐茶，除左多款法國茗茶，仲有中國茶、咖啡同冰茶，我點左Peach Ice Tea，紅茶、桃味糖漿係分開上，冰係用茶製成，唔怕溝淡。雖然桃味唔太突出，但甜甜地都幾好飲。如果點熱茶的話(包括奶茶)，係可以refill。三層tea set架送來了：最高層係塗scone的jam同cream，中層係甜點，底層係鹹點。先講我最關心的scone，分別有兩個原味同兩個提子scone，上枱時仍然暖的。質感屬實淨乾身類型，原味會更乾涸，所以我比較鍾意提子味。厚身的Clotted Cream滑中帶奶香，再加埋微酸的草莓jam非常好食，反而伯爵茶啫喱就麻麻地。通常Afternoon Tea最好味的都係鹹點，呢度都唔例外。由最左邊
洲際平日都有Afternoon Tea供應，Basic的兩位$608，另包兩位餐茶，除左多款法國茗茶，仲有中國茶、咖啡同冰茶，我點左Peach Ice Tea，紅茶、桃味糖漿係分開上，冰係用茶製成，唔怕溝淡。雖然桃味唔太突出，但甜甜地都幾好飲。如果點熱茶的話(包括奶茶)，係可以refill。
三層tea set架送來了：最高層係塗scone的jam同cream，中層係甜點，底層係鹹點。先講我最關心的scone，分別有兩個原味同兩個提子scone，上枱時仍然暖的。質感屬實淨乾身類型，原味會更乾涸，所以我比較鍾意提子味。厚身的Clotted Cream滑中帶奶香，再加埋微酸的草莓jam非常好食，反而伯爵茶啫喱就麻麻地。
通常Afternoon Tea最好味的都係鹹點，呢度都唔例外。由最左邊數起，貌似cream brulee的其實係肝醬，表面都烤到脆脆地，肝醬好幼滑，味道甘香，只係淨食有點唔慣，用來塗麵包應該仲正。左二係煙三文魚三文治，味道係預期中的普通。跟住係炸魚柳，表面香脆唔油膩，裡面肉質結實，都唔錯。最最最驚喜反而係唔知咩東東的紅色球狀物體，原來裡面係一絲絲蟹肉，又有少少辣辣地，好惹味。
輪到甜點，5件都唔算細件，多食真係會幾膩，好彩冇以前做得咁甜。由左數起係chocolate cake、lemon cake、chestnut puff、blueberry macaron、lime puff。最好食都係chocolate cake，層次好豐富，又唔太甜。
食到咁上下，侍應會額外送多樣甜點，今次係迷你雪糕筒，有綠茶同芒果味，芒果味特別香濃好食。慢慢食不知不覺就hea到6點了，睇住太陽落山真係好嘆。
有機會要去埋四季，聽聞佢的scone相當不俗。值得去指數：
張貼
