雅苑座

好耐無係尖沙咀食自助餐，強人又多又嘈，但朋友極力推薦，就即管一試。可能唔近碼頭，無乜強人，可以安安靜靜同朋友聚餐。意外難得有外籍歌手現場自彈自唱，美妙歌聲伴晚飯，簡直一生一樂也。食物種類多，魚生壽司bar唔使點排隊，值得一提有燒壽司！冷盤雖無生蠔，但長腳蟹、小龍蝦、青口、麵包蟹、海蝦、什凍肉等都不停供應。熱食選擇都唔少，咖哩伴薄餅、蒸原條石班、串燒，一定要提燒牛、羊架正到無朋友，食完再添食！燒味檔以為味道一般喇，原來好地道，竟然仲有滷水豬耳，試問有幾個試過係酒店食過甜品精緻又好味，香蕉pan cake仲可以自選原味或班蘭味餅皮，但可借香蕉供應有限，今次食唔到。除阻食物，服務好好，收碟又快，環境又正。簡直要馬上安排下次再黎既日子！