錦丼 (iSQUARE國際廣場) (已結業)

我對葱吞拿魚腩飯有一種強烈嘅好感， 幾乎去到每一間日本餐廳我都會點黎試下。呢間係尖沙咀嘅錦丼唔算話好平，但係啲吞拿魚腩都有返啲質素。一份裏面會有麵豉湯，有茶碗蒸，仲有一碟酸酸地嘅漬物，個湯唔算好鹹，但係我覺得普普通通，個茶碗蒸就好好食啦，啲蛋整得好滑，但係基本上每一間日本餐廳嘅茶碗蒸都唔會差得去邊，最重要都係個吞拿魚飯，啲吞拿魚茸好綿，而且好有魚油香，啲飯略嫌痴有少少，但總括依然都幾好食。