更多
2015-10-10
4851 瀏覽
朋友介紹話呢度環境好又多野食揀，book左枱黎食下，入左起計兩個鐘，唔係分時段，咁又幾好喎，幾點開始食都得。好肚餓，唔理咁多咩都叫下先，又真係幾多野揀喎，壽司、刺身、手卷、軍艦、天婦羅、鍋物、燒物、串燒、炸物、沙律等等，加十二蚊仲可以飲品任飲。先黎刺身，賣相靚喎，梗係要叫香港人至愛嘅三文魚啦，肥美新鮮又厚切，仲有油甘魚，鯛魚，吞拿魚等，樣樣都新鮮，唔點wasabi都唔會腥架。仲點左壽司、軍艦、卷物、手卷，飯帶少少醋味唔錯喎，當中火焰三文魚、比目魚最正，入口溶化。日式燉蛋好滑，食落有菇味鮮味，比起元x板x好味好多。蒜香一口腸，甜甜地帶蒜香，encore！芝麻雞翼，炸得唔乾身喎，仲帶芝麻香添。甘蝦腐皮卷，炸釀蟹鉗，燒三文魚頭，肉嫩香口又肥美。雞軟骨餃子棒，煎得香口又唔油，雞軟骨有口感。黑椒煙鴨胸，略鹹。大阪燒餅，薄薄一片，食落似蔥油餅多過燒餅，味道都幾好的。另外仲有串燒，叫左翠玉瓜，冬菇，牛肋肉，牛舌，雞軟骨，串串都好味，至愛翠玉瓜同冬菇！胡麻牛舌，厚切唔韌，但唔辣嘅？蒜片牛柳粒，牛味濃，一口牛油正呀。醬汁豬軟骨，入味又夠淋，好味。粟米粒粒燒，超甜粟，好甜好味。忌廉粟米焗蠔，encore！
好肚餓，唔理咁多咩都叫下先，又真係幾多野揀喎，壽司、刺身、手卷、軍艦、天婦羅、鍋物、燒物、串燒、炸物、沙律等等，加十二蚊仲可以飲品任飲。
先黎刺身，賣相靚喎，梗係要叫香港人至愛嘅三文魚啦，肥美新鮮又厚切，仲有油甘魚，鯛魚，吞拿魚等，樣樣都新鮮，唔點wasabi都唔會腥架。仲點左壽司、軍艦、卷物、手卷，飯帶少少醋味唔錯喎，當中火焰三文魚、比目魚最正，入口溶化。
日式燉蛋好滑，食落有菇味鮮味，比起元x板x好味好多。蒜香一口腸，甜甜地帶蒜香，encore！芝麻雞翼，炸得唔乾身喎，仲帶芝麻香添。甘蝦腐皮卷，炸釀蟹鉗，燒三文魚頭，肉嫩香口又肥美。
雞軟骨餃子棒，煎得香口又唔油，雞軟骨有口感。黑椒煙鴨胸，略鹹。大阪燒餅，薄薄一片，食落似蔥油餅多過燒餅，味道都幾好的。另外仲有串燒，叫左翠玉瓜，冬菇，牛肋肉，牛舌，雞軟骨，串串都好味，至愛翠玉瓜同冬菇！
胡麻牛舌，厚切唔韌，但唔辣嘅？蒜片牛柳粒，牛味濃，一口牛油正呀。醬汁豬軟骨，入味又夠淋，好味。粟米粒粒燒，超甜粟，好甜好味。
忌廉粟米焗蠔，encore！忌廉粟米湯味，蠔雖唔係大size個種但蠔味都唔錯。牛油野菌帆立貝，牛油炒雜菇好濃牛油味，但食落又唔膩喎，帆立貝略韌了點。蟹籽沙律，青瓜絲清爽，沙律醬沒過多唔錯。薄燒牛肉，燒起嘅肥牛甘香又肥美，好味。
芝士年糕，炸版，唔係想像中個種添，呢隻比較皮薄同無咁香芝士，不過熱辣辣都好食嘅，唔落醬汁會更好。蕃茄沙律，好酸下當係清下腸胃啦，勝在沙律菜夠新鮮爽脆。埋左單會有雪糕糯米滋送，一人一粒，是晚荔枝味同雲呢拿味，好凍呀～甜品作結又係滿足嘅一餐。環境濶落，冷氣夠，上菜同收碟都快，食物有質素，只有少許漏單，平日218一位好抵食。
張貼
