更多
2015-08-29
701 瀏覽
好耐冇去尖沙咀,估唔到棉登徑多左幾間日本拉面店,就泥變成拉面街。食過好幾次銅鑼灣豚王,次次都大排長龍,今次尖沙咀唔洗等位,梗係即試啦。不過同行友人遲到,本來想入去坐住等,點知店員話要人齊先入得,但係鋪頭起碼8成空,佢咁堅持,我唯有係出面等 (PS:等咁耐間鋪都冇坐滿過)。我果碗係翠王,之前銅鑼灣食過好好味,但呢間食我覺得個味唔夠銅鑼灣咁出色,只可以話普通,食完仲要勁飲幾杯水都仲係口喝(唔知係咪冇味精)。叉燒我叫左腩肉,肥肉的比例太多,而啲肥肉又唔夠林。唯一讚的只係佢啲芝士粉份量夠多。友人食的係豚王,我試左少少,發現佢個湯底比我的翠王好味,豬骨湯清啲。佢食的係肩肉,冇我的腩肉咁多肥肉,林身啲。加$17叫左溏心蛋,同面分開上的,個蛋黃都甜甜地,但生得濟,一咬開啲蛋黃汁流晒出泥,嘥咗 總論係,我唔會再食尖沙咀呢間,只會去銅鑼灣總店食
張貼