更多
2014-11-30
2195 瀏覽
由於食唔到韓燒，唯有轉戰食拉麵啦~ 我自己諗無可諗，所以就去左棉登徑嗰邊食豚王。 其實，我自己對豚王都已經失哂信心，由最初開業，我叫my boy 去左等1個鐘都為左食佢碗麵，到最近嗰次食沙田分店，質素同食味千無分別啊! 但人總有神推鬼恐嘅時候，你話到時呢條街間一蘭開左，我仲會嚟食嘅話，咁可能我只係貪呢度唔使排隊。我地一入到去舖頭，店員們講左一堆日本歡迎我地之後，安排左我地坐嘅位置，就一直用普通話同我講野，嗱~ 其實我好反感 ! 因為我入嚟已經用廣東話同你講2位，點解你仲要同我講普通話呢? 好明顯店員唔係好留心。店裡面有bar枱嘅坐位，好有日本拉麵店嘅感覺亦有呢種可以排排坐嘅枱，對比起沙田啲圓枱，呢度總算有返啲食拉麵嘅感覺。呢度有餐牌睇到有啲乜野食，店員話今日限定王(醬油王)已經賣哂，但我留意到嘅唔係限定王賣唔賣哂，而係點解以前嘅日本師傅變左做呀嬸架?! 我覺得豚王呢種自助式嘅表格剔係好，因為我對麵真係好有要求，最低限度我唔想啲麵係好「淋」，所以有得剔麵嘅軟硬度對我嚟講係好重要。以下係我呢選擇~ 枱面上沒有日本茶，反而是檸檬水，個水壺仲冒緊水，仲係keep住凍，呢個非常好~ 加上呢度
但人總有神推鬼恐嘅時候，你話到時呢條街間一蘭開左，我仲會嚟食嘅話，咁可能我只係貪呢度唔使排隊。
我地一入到去舖頭，店員們講左一堆日本歡迎我地之後，安排左我地坐嘅位置，就一直用普通話同我講野，嗱~ 其實我好反感 ! 因為我入嚟已經用廣東話同你講2位，點解你仲要同我講普通話呢? 好明顯店員唔係好留心。店裡面有bar枱嘅坐位，好有日本拉麵店嘅感覺
亦有呢種可以排排坐嘅枱，對比起沙田啲圓枱，呢度總算有返啲食拉麵嘅感覺。
呢度有餐牌睇到有啲乜野食，店員話今日限定王(醬油王)已經賣哂，但我留意到嘅唔係限定王賣唔賣哂，而係點解以前嘅日本師傅變左做呀嬸架?!
我覺得豚王呢種自助式嘅表格剔係好，因為我對麵真係好有要求，最低限度我唔想啲麵係好「淋」，所以有得剔麵嘅軟硬度對我嚟講係好重要。
以下係我呢選擇~
枱面上沒有日本茶，反而是檸檬水，個水壺仲冒緊水，仲係keep住凍，呢個非常好~
加上呢度好多配料，我特別鍾意呢度嘅白芝麻，真係好香啊~
我等左20分鐘後，我個赤王終於都嚟啦~ 其實我唔明點解20分鐘先上到菜，真係太慢啦嘛...... 湯底比起中環店無咁濃，不過即使我剔湯底普通，都依然係咸，可能再加左一舊辣肉~ 總算係夠辣味~
呢個溏心蛋無放係個麵度，反而係另上，我覺得個黃唔係好夠，同埋幾乎係一啲微熟嘅黃都無，還可以啦。
叉燒好薄，好似塊煙肉咁，又無乜味，可能真係要叫豚角煮先有返咁上下。麵質煙韌，不過我覺得最有拉麵嘅口感，始終都係沾麵~
總括而言，呢個拉麵係普通之上，但又未係叫好好食，豚王竟然比起美心集團旗下嘅五行遜色，老實講，真係出左名就唔使理個質素? btw, 12月份嘅限定王係生姜王，因為我好鍾意食姜，所以我12月一定會去中環豚王食一次 !
張貼
